Rafael del Riego y Flórez - Wikiwand
For faster navigation, this Iframe is preloading the Wikiwand page for Rafael del Riego y Flórez.

Rafael del Riego y Flórez

De Wikipedia

Rafael del Riego y FlórezPicto infobox character.png

Diputáu nel Congresu de los Diputaos d'España



Capitán General de Aragón (es) Traducir

1821 - 1822
Vida
Nacimientu

Tuña9  d'abril de 1784

[2]
Nacionalidá Flag of Spain.svg España
Muerte

Madrid7  de payares de 1823

[2] (39 años)
Causa de la muerte aforcamientu
Estudios
Estudios Universidá d'Uviéu
Llingües castellanu
Oficiu
Oficiu políticu, oficialmilitar
Llugares de trabayu Madrid
Serviciu militar
Graduación xeneral
Lluchó en Guerres Napoleóniques
Cambiar los datos en Wikidata

Rafael del Riego y Flórez (9  d'abril de 1784Tuña - 7  de payares de 1823Madrid) foi un xeneral y políticu lliberal asturianu.

Nació en Tuña (Tinéu). Tres llicenciase na Universidá d'Uviéu en 1807, treslladose a Madrid, u ingresó nel exércitu. En 1808, demientres la Guerra d'Independencia foi capturáu polos franceses nel Escorial, del que fuxó.

El 10 de payares participó na Batalla de Espinosa de los Monteros, volviendo a cayer prisioneru. Treslladáu a Francia, foi lliberáu y viaxó per Inglaterra y Alemaña. En 1814 tornó a España, algamando'l rangu de Teniente coronel.

Demientres los seis años de monarquía absoluta ingresó na masonería, conspirando escontra Fernandu VII. En 1819 el rei formó un exércitu pa lluchar na Guerra d'Independencia sudamericana. Riego dirixía'l batallón asturianu. Sicasí, dempués de llegar a Cádiz, xunto con otros oficiales entamó un motín el 1 de xineru de 1820 col envís de reimplantar la Constitución de 1812, dando orixe al Trieniu lliberal. Riego marchó coles tropes dende Andalucía, cola intención d'entamar un llevantamientu antirrealista, pero ensin munchu ésitu. Otru llevantamientu fízose en Galicia que llogró provocar otros nel restu del país. El 7 de marzu de 1820 el palaciu real en Madrid rindióse énte los soldaos al mandu del xeneral Ballesteros, y el 10 de marzu'l rei confirmó la restauración de la constitución.

El nuevu gobiernu ascendió a Riego a Capitán xeneral, primero de Galicia y dempués d'Aragón, el 8 de xineru de 1821. El 18 de xunu casóse cola so prima María Teresa del Riego y Bustillos. El 4 de setiembre de 1821 al descubrise una conxura republicana, foi fechu prisioneru. Sicasí, la so popularidá y les manifestaciones feches en Madrid permitieron la so puesta en llibertá. En marzu de 1822 foi elexíu miembru de les Cortes.

N'avientu de 1822, nel Congresu de Verona, la Santa Alianza consideró que'l réxime lliberal español tenía que ser suprimíu y encargóse a Francia la restauración de la monarquía absoluta. El 7 d'abril de 1823, los Cien mil fiyos de San Luis, cruzaron la llende. Riego dirixó al 3ᵉʳ exércitu, pero'l 15 de setiembre, derrotáu, foi fechu prisioneru (una vegada más) nel pueblu d'Anquillas (Jaén). Unviáu a Madrid, pesie la amnistía anunciada, foi inculpáu de traición. El 7 de payares de 1823 Rafael del Riego foi colgáu na Plaza de la Cebada en Madrid.

L'Himnu de Riego, foi l'himnu de la Segunda República Española. Anguaño'l so retratu ta espuestu nel edificiu de les Cortes.

Referencies

  1. 1,0 1,1 Afirmao en: SNAC. Identificador SNAC Ark: w6zs41r7. Apaez como: Rafael del Riego. Data de consulta: 9 ochobre 2017. Llingua de la obra o nome: inglés.
  2. 2,0 2,1 Afirmao en: Gran Enciclopedia Aragonesa. ID Gran Enciclopedia Aragonesa: 10851. Apaez como: Rafael del Riego. Llingua de la obra o nome: castellanu. Data de publicación: 1977.
  3. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  4. Afirmao en: Diccionario biográfico español. Identificador del Diccionario Biográfico Español: 4241/rafael-del-riego-y-florez. Apaez como: Rafael del Riego y Flórez. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data de publicación: 2011.

Enllaces esternos

{{bottomLinkPreText}} {{bottomLinkText}}
Rafael del Riego y Flórez
Listen to this article