Ramón Álvarez-Buylla
ciruxanu asturianu (1919–1999) / From Wikipedia, the free encyclopedia
Ramón Álvarez-Buylla de Aldana (22 de xunu de 1919, Uviéu – 14 d'ochobre de 1999, Comala) foi un médicu ciruxanu, neurofisiólogo y histólogu, asturianu, exiliáu en Méxicu en 1947, dempués d'haber estudiáu y vivíu hasta 1946 na Xunión Soviética, onde foi unviáu xunto con otros mozos güérfanos españoles de la guerra civil, tres el fusilamiento en 1936 del so padre, Arturo Álvarez-Buylla Godino, quien fuera Altu Comisariu de la república española en Marruecos.[2] El so fíu, Arturo Álvarez-Buylla Roces, foi gallardoniáu en 2011 col Premiu Príncipe d'Asturies d'Investigación Científica y Téunica[3]
Ramón Álvarez-Buylla | |
---|---|
Vida | |
Nacimientu | Uviéu, 22 de xunu de 1919[1] |
Nacionalidá |
Méxicu España |
Llingua materna | castellanu |
Muerte | Comala, 14 d'ochobre de 1999[1] (80 años) |
Familia | |
Padre | Arturo Álvarez-Buylla Godino |
Fíos/es | |
Estudios | |
Llingües falaes | castellanu |
Oficiu | ciruxanu |
Emplegadores | Institutu Politéunicu Nacional |
Na Xunión Soviética estudió medicina y el doctoráu en fisioloxía na Academia de les Ciencies de Rusia. Tamién nel desapaecíu país, trabayó como ayudante de científicos famosos como los fisiólogos Rashansky y Pyotr Anokhin de quien aprendió enforma de la so ciencia. Mientres la so estancia na XRSS conoció a Dolores Ibarruri, La Pasionaria, quien foi instrumental na so emigración a Méxicu pa realcontrase cola so madre y hermanes a quien nun volviera ver dende los años de la guerra n'España.[4]