Real Uviéu
equipu de fútbol asturianu / From Wikipedia, the free encyclopedia
El Real Uviéu[1], oficialmente "Real Oviedo S.A.D." ye una entidá polideportiva asitiada n'Uviéu (Asturies, España). Foi fundáu oficialmente como un club de fútbol el 26 de marzu de 1926, como resultáu de la fusión de los dos equipos de la ciudá: el Real Stadium Club Ovetense y el Real Club Deportivo Oviedo, baxo'l nome de (Sociedad Deportiva) Real Oviedo Foot-ball Club, adoptando la corona de los sos clubes predecesores meses dempués.[2]
Real Uviéu | ||||
---|---|---|---|---|
Situación | ||||
País | España | |||
Autonomía | Principáu d'Asturies | |||
Provincia | Provincia d'Asturies | |||
Conceyu | Uviéu | |||
Estáu | España | |||
Datos | ||||
Tipu | club de fútbol | |||
Fundáu en | 1926 | |||
Propietariu | Grupu Pachuca | |||
Presidente | Jorge Menéndez Vallina | |||
Direutor deportivu | ensin valor | |||
Entrenador | Álvaro Cervera | |||
Categoría | Segunda División d'España | |||
Instalaciones | ||||
Estadiu | Estadiu Carlos Tartiere | |||
Capacidá | 30 500 | |||
Inaugurao | 20 set 2000 | |||
Dueñu de |
Grupu Pachuca Grupu Carso | |||
Uniforme | ||||
| ||||
Web oficial | ||||
| ||||
Participa anguaño na Segunda División d'España, siendo la trixesimoséptima vegada que la xuega. Nella ye ún de los clubes más gallardoniaos al conquistala un total de cinco vegaes, mesmes que'l so máximu rival n'Asturies, el Real Sporting de Xixón.
La so entidá xurídica ye dende 1992 la de sociedá anónima deportiva (S. A. D.). Nel añu 2012, tres una adquisición de la mayor parte del accionariáu pa evitar la disolución de la entidá, el so máximu accionista pasó a ser el Grupu Carso[n 1][3]. En 2022 vendió parte de la so participación al Grupo Pachuca, pasando a ser esti el máximu accionista.
Rexíu pola Real Federación Española de Fútbol (RFEF) a nivel estatal, y pola Xunión Europea d'Asociaciones de Fútbol (UEFA) y la Fédération Internationale de Football Association (FIFA) —máximu organismu futbolísticu— a escala internacional, ye la cuarta entidá asturiana más vieya, asina como ún de los clubes históricos que más vegaes xugaron na máxima categoría de la Primer División con un total de 38 temporaes dende la so instauración en 1929, asitiándose nel puestu decimoctavu na so clasificación histórica. Tocantes a los sos llogros deportivos, les sos cotes máximes fueron trés terceres posiciones na máxima categoría —nes temporaes 1934-35, 1935-36 y 1962-63—, dos semifinales de la Copa del Rei—na edición de 1934 y de 1946— y una Copa de la Lliga de Segunda División —en 1985—. Tocantes a los rexistros internacionales, una participación na Copa de la UEFA na temporada 1991-92 caltiénse hasta la fecha como la so única apaición en competiciones europees.
Identificáu pol so color azul, xuega los sos partíos como llocal nel Estadiu Carlos Tartiere —denomináu asina n'honor al so primer y más emblemáticu presidente— que dispón d'una capacidá de 30.500 espectadores, el decimoséptimu de mayor capacidá d'España.