Saltu d'esquí
From Wikipedia, the free encyclopedia
El saltu d'esquí ye un deporte d'iviernu que consiste en baxar sobre esquís por una rampla pa coyer velocidá y depués empecipiar el vuelu coles mires d'aterrizar lo más lloñe posible. Forma parte del programa de los Xuegos Olímpicos d'Iviernu dende 1924.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Ye una prueba que tien una gran dificultá téunica y por ello rique muncha preparación, pos l'esquiador non solo tien que saltar lo más lloñe posible, sinón que tien de faelo en condiciones de seguridá y aterrizar ensin contratiempos. Un accidente non solo restaría-y puntuación sinón que de cutiu tien consecuencies tráxiques pal deportista. Por si fora poco, mientres el vuelu tien de curiar l'harmonía y l'estética del movimientu, yá que amás de la distancia unos xueces van valorar l'estilu, influyendo dambos factores na puntuación final.
Los saltos d'esquí formen parte d'otru deporte olímpico, la combinada nórdica, consistente nuna combinación de saltos d'esquí con una carrera d'esquí de fondu.