Señoríu
From Wikipedia, the free encyclopedia
El señoríu ye una institución mesma de la Edá Media y la Edá Moderna n'España, en ciertu mou similar al feudu del Imperiu carolinxu. Surdió nos reinos cristianos del norte peninsular y estendióse cola Reconquista al restu del territoriu, confirmándose y amontándose (refeudalización) cola Monarquía Hispánica posterior.
Trátase d'una donación hereditaria de tierres y vasallos, incluyida la xurisdicción, dada por monarques a nobles o clérigos como pagu por servicios emprestaos o pagu a méritos adquiríos, pero pola so mera voluntá (mercé).
La so pervivencia nel tiempu (hasta'l sieglu XIX) y el so calter de base económica de la posición social de la nobleza, sobremanera en perdiendo ésta'l so poder políticu ante la monarquía, punxeron al señoríu na exa qu'articulaba los sistemes social, económicu y políticu, polo que puede considerase que toos ellos formaben parte d'un réxime señorial que caracterizó al Antiguu Réxime n'España. Foi abolíu pola Constitución de 1812.