From Wikipedia, the free encyclopedia
El sistema nerviosu central constitúinlu l'encéfalu y la médula espinal. Tán protexíos por tres membranes (duramadre, piamadre y aracnoides), denomaes xenéricamente meninxes. Amás, al encéfalu y a la médula espinal protéxenlos les envolvedures ósees, que son el craniu y la columna vertebral respeutivamente.
L'interior d'estos muérganos ta enllenu d'un llíquidu incoloru y tresparente nomáu llíquidu cefalorraquideu. Les funciones d'esti llíquidu son mui estremaes: val como un mediu d'intercambéu de determinaes sustancies, como un sistema d'eliminación de productos residuales, pa caltener l'equilibriu iónicu afayadizu y como sistema amortiguador mecánicu.
Les célules que formen el sistema nerviosu central dispónense de tala forma que dan llugar a dos formaciones mui carauterístiques: la sustancia buxo, que la componen les neurones y otres célules, y la sustancia blanca, formada principalmente por frebes nervioses o axones.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.