Teatru Campoamor
From Wikipedia, the free encyclopedia
El Teatru Campoamor ye un teatru fundáu en 1892 asitiáu na Cai Pelayo, na ciudá asturiana d'Uviéu.
| Teatru Campoamor | |
|---|---|
| teatru y Teatru d'ópera | |
.jpg) | |
![Thumb](#/media/Ficheru:Audiences_of_"Princess_of_Asturias_Awards"_ceremony_Spain.JPG) | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Uviéu |
| Coordenaes | 43°21′47″N 5°50′53″W |
  Teatru Campoamor Teatru Campoamor (Asturies) | |
| Historia y usu | |
| Quema | 1934 |
| Remocique | 1988 |
| Orixe del nome | Ramón de Campoamor |
| Arquiteutura | |
| Arquiteutu/a |
Siro Borrajo Montenegro (es)  José López Salaberry (es) |
| Web oficial | |
 | |
El Teatro Campoamor nació n'Uviéu como rempuesta a un marcu pa representar óperes y funciones teatrales por mor de la naciente burguesía económica qu'escomenzaba a xorrecer na capital. Hasta entóncenes les funciones representábense nel Teatru del Fontán, al llau de la plaza del mesmu nome y que güei ye la Biblioteca d'Asturies "Ramón Pérez de Ayala".
Allugóse nos terrenos del conventu de Santa Clara, detrás de la cai Uría que foi proyeutada un par de décades anteriores. Nel añu 1876 preséntase'l proyeutu de construcción del teatru que s'inauguró al públicu en 1892 con una representación de la obra de Los Hugonotes. A propuesta del escritor y entóncenes conceyal Leopoldo Alas «Clarín», foi bautizáu col apellíu del llustre asturianu Ramón de Campoamor, quien nun pudo asistir a la inauguración, a la que mandó a so hermanu y como actu d'agradecimientu col pueblu uvieín unvió mil pesetes pal repartu ente los probes de la ciudá, repartiendo'l conceyu'l dineru ente les cuatro parroquies esistentes a razón de 250 pesetes por cauna.
El primer remocique importante asocede nel añu 1916 con una reestructuración del interior y una ampliación del aforu. Na Revolución de 1934 el teatru suore grandes daños quedando reducíu a escombrios y namás se caltién en pie la fachada principal. Tres acabar la guerra civil aníciase la construcción y anovamientu del teatru que vuelve abrir les sos puertes en setiembre de 1948 cola ópera Manón.
Anguaño, tres conocer delles obres de modernización téunica a lo llargo de les dos últimes décades, el teatro sigue funcionando a plenu rendimientu, y dientro de los munchos actos que se celebren nelli ha destacase la temporada d'ópera d'Uviéu, l'actu oficial del Día de les Lletres Asturianes y la ceremonia d'entrega de los Premios Princesa d'Asturies.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
