Tensión (mecánica)
From Wikipedia, the free encyclopedia
En Física ya Inxeniería, llamase tensión a la fuercia por unidá d'área na redolada d'un puntu material sobre una superficie real o imaxinaria d'un mediu continuu. L'anterior definición aplicase tantu a fuercies puntuales como fuercies distribuyíes, uniformemente o non, qu'actúen sobre una superficie.
Si se considera un cuerpu sometíu a un sistema fuercies y momentos de fuercia, puede reparase l'aición de les tensiones mecániques si se imaxina un corte mediante un planu imaxinariu π qu'estreme'l cuerpu en dos partes. Para que cada parte tuviera n'equilibriu mecánicu, sobre la superficie de corte de caúna de les partes debería reestablecese la interacción qu'exercía la otra parte'l cuerpu. Asina, sobre cada elementu diferencial de la superficie (dS), tien d'actuar una fuercia elementa(dF), a partir de la cual definese un vector tensión (tπ) como la resultancia de dividir dicha fuercia elemental ente la superficie del elementu.
Esti vector tensión depende del estáu tensional internu del cuerpu, de les coordenaes del puntu escoyíu y del vector unitariu normal al planu π (nπ). Puede probase que tπ y nπ tán rellacionaos por una aplicación llinial T o campu tensorial llamáu tensor tensión:
La tensión, en mecánica, espresase n'unidaes de presión, esto ye, fuercia dividida ente'l área. Nel Sistema Internacional, la unidá de tensión ye'l pascal (1 Pa = 1 N/m²). Sicasí, n'inxeniería tamién ye avezada espresala n'otres unidaes como kp/cm² o kp/mm², u «kp» ye quilopondiu o quilogramu-fuercia.