Theodore Kaczynski
terrorista, matemáticu y anarquista d'Estaos Xuníos (1942–2023) / From Wikipedia, the free encyclopedia
Theodore John Kaczynski [kaˈtʂɨɲskʲi] (22 de mayu de 1942, Evergreen Park (es) – 10 de xunu de 2023, Federal Medical Center, Butner (es) ), tamién conocíu col sobrenome d' Unabomber, foi un matemáticu y críticu de la sociedá d'Estaos Xuníos que fizo una campaña d'unvíos de cartes bomba pa denunciar la sociedá moderna teunolóxica. Ñació en Chicago, nel estau d'Illinois, y dende una muy pronta edá demostró escelentes capacidaes académiques. Kaczynski recibió un graduáu pola Universidá de Harvard y un doctoráu (PhD) en matemátiques pola Universidá de Michigan. Convirtióse en assistant professor (equival a profesor ayudante doctor) na Universidá de California (Berkeley), a la edá de 25 años, pero dimitió dos años dempués. En 1971 camudose a una cabaña ensin lluz nin agua corriente nes remotes tierres de Lincoln, Montana, onde entamó a deprender téuniques de sobrevivencia y a tentar ser autosuficiente. De 1978 a 1995, Kaczynski unvió 16 bombes a oxetivos ente ellos universidaes y aerollínias, finando cola vida de 3 persones y firiendo a otres 23.
Theodore Kaczynski | |
---|---|
Vida | |
Nacimientu | Evergreen Park (es) [1], 22 de mayu de 1942[2] |
Nacionalidá | Estaos Xuníos [3] |
Residencia |
Evergreen Park (es) Lombard (es) Lincoln (es) cabaña de Unabomber (es) Chicago |
Grupu étnicu | Inmigración polaca en Estados Unidos (es) |
Llingua materna | inglés |
Muerte | Federal Medical Center, Butner (es) [4], 10 de xunu de 2023[4] (81 años) |
Familia | |
Padre | Theodore Richard Kaczynski |
Madre | Wanda Dombek |
Hermanos/es |
David Kaczynski[3]
|
Estudios | |
Estudios |
Eliot House (en) Evergreen Park Community High School District 231 (es) Universidá de Harvard (1958 - 1962) Grau n'Artes : matemátiques Universidá de Michigan (1962 - 1967) Philosophiæ doctor : Analís funcional |
Direutor de tesis |
Allan Shields Allen Shields (es) |
Llingües falaes | inglés[5] |
Oficiu | matemáticu, escritor, filósofu, ambientalista, terrorista doméstico (es) , terrorista, anarquista |
Altor | 175 cm |
Emplegadores | Universidá de California en Berkeley (1967 – 1969) |
Trabayos destacaos |
La sociedad industrial y su futuro (es) Another Proof of Wedderburn's Theorem (es) Anti-Tech Revolution: Why and How (es) |
Influyencies | Jacques Ellul |
Movimientu |
neoludismo (es) anarquismo primitivista (es) |
Creencies | |
Relixón | ateísmu[6] |
IMDb | nm1535155 |
Kaczynski unvió una carta al diariu The New York Times el 24 d'abril de 1995 y prometió "finar col terrorismu" si el The New York Times o el The Washington Post publicaben el so manifiestu. Nel so Industrial Society and Its Future (tamién nomau el "Manifiestu Unabomber"), dicía que les bombes yeren midíes estremes pero necesaries p'atrayer l'atención sobre la erosión que sofría la llibertá humana, erosión rexía pola alta teunoloxía que necesitaba una organización a gran escala.