Tratamientos alternativos usaos pal resfriáu común
From Wikipedia, the free encyclopedia
Esisten munches plantes melecinales y otros tipos de tratamientos alternativos usaos pal resfriáu común. Sicasí, poques sofiten en sólida evidencia científica.[1] Ye probable que la meyora reparada por pacientes que tomen remedios alternativos nun sía más que'l cursu natural de la enfermedá.[2]
Alvertencia: Wikipedia nun ye un consultoriu médicu nin farmacolóxicu. Si piensa que precisa ayuda, por favor, fale con un profesional de la salú. |
Los resfriaos son causaos por virus y non por causa de moyase na agua o tar espuestu a golpes de fríu. Los síntomes d'un resfriáu suelen incluyir una secreción nasal, tusides, tos, respigos, conxestión nasal, picazón de gargüelu, enzancái pa dormir y dolor de cabeza. Magar un númberu de yerbes chines y otres plantes fueron indicaos pa solliviar los síntomes del resfriáu, incluyendo'l jengibre, l'ayu, l'hisopu, el barbasco, y otros, estudios científicos o bien nun se fixeron o fueron calificaos de inconclusos.[3]
Otres ximistríes pa “encurtiar” los resfriaos, catarros y dolores de gargüelu inclúin el té de llimón, fervinchu preparáu con té negro, llimonada, aspirina y dos cuyaraes de miel. N'Arxentina y Uruguái esiste'l "mate de llimón", fervinchu preparáu con yerba mate y llimón rayáu o picáu (col so pulgu). En Méxicu y otros países prepara una sopa de pita o pollu o de pata de pita.[4]