Vuelta a España 2006
From Wikipedia, the free encyclopedia
La 61ª edición de la Vuelta a España, puntuable pal UCI ProTour, apostar del 26 d'agostu al 17 de setiembre de 2006 ente Málaga y Madrid, con un percorríu de 3213 km estremáu en 21 etapes. Proclamóse vencedor Alexander Vinokourov.
| |||
Detalles | |||
Carrera | 61. Vuelta a España | ||
Competición | UCI ProTour 2006 | ||
Etapes | 21 | ||
Dates | 26 de agostu – 17 de setiembre de 2006 | ||
Distancia total | 3213 km | ||
País | España | ||
Llugar d'entamu | Málaga | ||
Llugar de llegada | Madrid | ||
Equipos | 21 | ||
Ciclistes participantes | 189 | ||
Ciclistes acabaos | 169 | ||
Velocidá media | 39,478 km/h | ||
Clasificación final | |||
Ganador | Alekszandr Vinokurov (Astana) | ||
Segundu | Alejandro Valverde (Caisse d'Épargne-Illes Balears) | ||
Terceru | Andrey Kashechkin (Astana) | ||
Puntos | Thor Hushovd (Crédit Agricole) | ||
Monte | Egoi Martínez (Discovery Channel) | ||
Combinada | Alekszandr Vinokurov (Astana) | ||
Equipu | Discovery Channel | ||
◀2005 | 2007▶ | ||
Documentación |
Nesta edición, per primer vegada en munchos años, nun s'apostó nenguna etapa nos Pirineos, a pesar de lo cual, cuntaba con cinco finales n'alto. Nel percorríu de la prueba tamién destaquen dos contrarreló individuales de media distancia y un prólogu de siete quilómetros apostáu por equipos.
No tocante a la participación, tomaben la salida los ciclistes más destacaos na edición del Tour del mesmu añu, los españoles Óscar Pereiro y Carlos Sastre, magar el primeru partía, nun principiu, a les órdenes d'Alejandro Valverde. Na participación estranxera, destacaba sobremanera la presencia d'Alexander Vinokourov, Andrey Kashechkin, Danilo Di Luca, Denis Menchov y Thomas Danielson tocantes a aspiraciones a la clasificación xeneral.
Seis fueron los trunfos d'etapa consiguíos por ciclistes españoles, amás de la clasificación del monte, que foi para Egoi Martínez. Tamién seis foi'l númberu de ciclistes distintos que vistieron el xerséi oro qu'identificaba al líder de la clasificación xeneral.