Xeografía de Cuba
From Wikipedia, the free encyclopedia
La República de Cuba ye un archipiélagu constituyíu pola islla mayor de les Antilles llamada Cuba, la Islla de la Juventud (antes Islla de Pinos) y 4.195 cayos, castros ya islles. Ta allugada nel Mar de les Antilles o Mar Caribe, cerca de les mariñes de los Estaos Xuníos y Méxicu. La superficie de Cuba ye de 109.884 quilómetros cuadraos, pero si inclúyense les agües costeres y territoriales sería de 110.860 quilómetros cuadraos. La islla de Cuba tien 104.556 quilómetros cuadraos y cuenta con 5.746 quilómetros de mariña y 29 quilómetros de fronteres, incluyendo la Badea de Guantánamo, onde s'atopa la base naval de la Badea de Guantánamo de l'armada de los EE.XX.
Cuba queda al oeste del Atlánticu Norte, al norte atopa'l Estrechu de la Florida y la Canal Viejo de Bahamas; al este, el Pasu de los Vientos; al sur, l'Estrechu de Colón y el Mar Caribe y al oeste, la Canal de Yucatán. La islla de Cuba supón la mayor parte del territoriu del tao cubanu. Estiéndese 1.250 km a lo llargo, 191 km nel so puntu más anchu y 31 km nel so puntu más estrechu. La islla más grande del estáu cubanu, fora d'ésta, ye la Islla de la Juventud al suroeste, con una superficie de 2.200 km².[1]