XXXIV edición de los xuegos olímpicos de branu From Wikipedia, the free encyclopedia
Los Xuegos Olímpicos de Los Angeles 2028, oficialmente conocíos como los Xuegos de la XXXIV Olimpiada, van ser un eventu multideportivu internacional que se va llevar a cabu en 2028 na ciudá de Los Angeles, Estaos Xuníos. Primeramente, tres el retiru de Boston, Los Angeles presentó la so candidatura a los Xuegos Olímpicos de 2024.[1] Anque se plantegara que la sede d'esos Xuegos fuera escoyida'l 13 de setiembre de 2017, mientres la 130ª Sesión del Comité Olímpicu Internacional (COI) en Lima, el 31 de xunetu de 2017, Los Angeles llegó a un alcuerdu col COI pa retirar la so candidatura y aceptar entamar los Xuegos de 2028, dexando que París —una de les dos ciudaes candidates restantes— allugara l'eventu en 2024.[2] L'alcuerdu tripartitu —París-Los Angeles-COI— foi ratificáu na sesión del COI en Perú.[3][4]
Xuegos Olímpicos de Los Angeles 2028 | ||||
---|---|---|---|---|
Xeneral | ||||
Tipu de competición | Xuegos Olímpicos de branu | |||
País | Estaos Xuníos | |||
Historia | ||||
Desapaición | 30 de xunetu de 2028 | |||
Competición | ||||
| ||||
Web oficial | ||||
Van Ser los terceros Xuegos Olímpicos en Los Angeles, tres los celebraos en 1932 y 1984.
Anque se tenía previstu que'l procesu de candidatura empezara en 2019, la Comisión Executiva del Comité Olímpicu Internacional (COI) propunxo otorgar los xuegos de 2024 y 2028 mientres la 130ª Sesión en Lima, Perú.[5] Cola aprobación de la propuesta'l 11 de xunetu, el COI va otorgar les sedes a París y Los Angeles, les úniques ciudaes candidates restantes del procesu 2024.[6]
Primeramente, dambes ciudaes amosaron la so oposición a esta propuesta.[7] Sicasí, los encargaos de la candidatura de Los Angeles indicaron que taben dispuestos a considerala si realizaben delles concesiones.[8] Nesi sentíu, tres l'aprobación, los representantes de Los Angeles «almitieron que l'esperar cuatro años más pue ser "un meyor negociu"». Pela so parte, el presidente de Francia, Emmanuel Macron, aprofió que París competía namái polos xuegos de 2024 al declarar que «perdimos en trés causes na carrera pa los Xuegos, nun queremos perder una cuarta vegada».[9]
El COI anunció que buscaría un alcuerdu tripartitu nel que dambes ciudá acepten los términos del nuevu sistema, establézanse la «eventuales contribuciones financieres pa dambes ciudaes» y defínanse les seguridaes» pa les candidates, como «que nun se #abrir el procesu de candidatures pa otres ciudaes pa 2028». En casu de non logarlo, tornaríase'l sistema y en Lima escoyeríase solo la sede de 2024, dexando la de 2028 «pa un momentu posterior».[10]
Sicasí, el 31 de xunetu, Los Angeles llegó a un alcuerdu col COI pa celebrar los Xuegos de 2028, dexando a París los de 2024.[11] La noticia peneró dos meses antes del anunciu oficial en setiembre d'esi añu y foi más tarde confirmada pol COI.[12] Nesti sentíu, tres l'anunciu, el COI publicó'l Contratu de Ciudá Sede 2028 y anunció que va apurrir 180 millones de dólares al Comité Organizador en forma de préstamu ensin intereses pa cubrir los costos d'empecipiar les sos operaciones con cuatro años d'anticipación.[13][14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.