Xunión Astronómica Internacional
From Wikipedia, the free encyclopedia
La Xunión Astronómica Internacional (XAI, n'inglés International Astronomical Union o IAU) ye una agrupación de les estremaes sociedaes astronómiques nacionales y constitúi'l muérganu de decisión internacional nel campu de les definiciones de nomes de planetes ya otros oxetos celestes ansí como los estándares n'astronomía. Foi creada en 1919 a magar de la xunión d'estremaos organismos como la Carte du Ciel, la Solar Union y el Bureau International de l'Heure. El so primer presidente foi Benjamín Baillaud. El so envís ye promover y coordinar la cooperación internacional na astronomía y la ellaboración de les regles de nomenclatura de los estremaos cuerpos celestes.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Xunión Astronómica Internacional | |
---|---|
organización científica y organización internacional | |
Llocalización | |
Sede | París |
Direición | Francia |
Historia | |
Fundación | 1919 |
Fundador | Benjamin Baillaud |
Organigrama | |
Presidente | Debra Elmegreen (2022) |
Participación empresarial | |
Filiales |
ver
|
Forma parte de | |
Web oficial | |
La XAI tien anguaño (febreru 2006) 8.993 socios individuales, principalmente profesionales de l'astronomía col grau académicu de doctor, y 62 socios nacionales, ye dicir, países afiliaos a la XAI. El 87% de los sos miembros son masculinos por un 13% de miembros femeninos. El presidente actual de la XAI ye'l Dr. José Luis Comellas.
La XAI coordina 37 comisiones y 85 grupos de trabayu sobro estremaos temes astronómicos agrupaes en 12 disciplines cimeres:
- División I: Astronomía fundamental.
- División II: Sol y heliosfera.
- División III: Ciencies planetaries.
- División IV: Estrelles.
- División V: Estrelles variables.
- División VI: Material interestelar.
- División VII: La Vía Lláctea.
- División VIII: Galaxes ya Universu.
- División IX: Espeutroscopía.
- División X: Radioastronomía.
- División XI: Física d'altes enerxíes y téuniques espaciales.
- División XII: Actividaes comunes a toles divisiones.