AMule
From Wikipedia, the free encyclopedia
Remove ads
aMule ye un programa d'intercambéu P2P llibre y multiplataforma, asemeyáu al afamáu eMule que funciona tanto cola rede eDonkey como con Kademlia.
Deriva del códigu fonte de xMule, qu'al empar remanez del proyeutu lMule, el primer intentu de portar el cliente eMule a Linux. Lo mesmo qu'eMule, aMule distribúise y asoléyase con una llicencia GNU.
L'oxetivu de aMule ye ser un "eMule multiplataforma", funcionando anguaño nos sistemas operativos Linux, FreeBSD, OpenBSD, NetBSD, Solaris, Mac OS X y Windows, y nes arquiteutures x86, AMD64, UltraSPARC, PowerPC, Macintosh (G4, G5,...), Xbox y NSLU2.
Esisten dos versiones d'aMule, la versión estable, y la versión de desendolcu (SVN), que s'asoleya a diario colos caberos avances. La versión en llingua asturiana 2.2.3 ta anguaño completada, y tamién la versión en desendolcu 2.3.0, de la mano de la comunidá de traductores de Softastur.
Remove ads
Arquiteutura modular
A diferencia de eMule, aMule soporta metalinks (enllaces magnéticos; dende la versión 2.2.0) y pue ser compiláu como un únicu programa monolíticu o como un "daemon", lo que dexa la so execución en segundu planu, ensin interfaz gráfico y con un menor consumu de recursos. Pa comunicarse col programa esisten tres interfaces diferentes:
- aMuleCMD: cliente de llinia de comandos.
- aMuleGUI: cliente d'interfaz gráfico. Anguaño en desendolcu, polo que-y falten munches de les opciones de la versión monolítica, arriendes de nun ser estable.
- aMuleWEB: webserver que dexa el remane per aciu d'un navegador web.
Arriendes, esiste tou un protocolu de comunicación Archiváu 2008-05-09 en Wayback Machine criáu pa poder desendolcar aplicaciones que se comuniquen bidireicionalmente col nucleu del programa.
Remove ads
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads