Autovía Minera

L'AS-I o Autovía Minera ye una autovía que s'alcuentra nel Principáu d'Asturies, y de titularidá esclusivamente autonómica, xunto col tramu Llanera-Viella de la carretera autonómica AS-17 (futura autovía AS-III ente Avilés y Llangréu) y l'autovía AS-II ente Uviéu y Xixón.

Autovía Minera
Principáu d'Asturies,  España
Identificador
Tipu	Autovía
Inauguración	2003
Llonxitú	34 quilómetros
Entamu	Mieres
Fin	Xixón
[editar datos en Wikidata]

Entama nel enllaz 46 de l'Autovía Ruta de la Plata (A-66 E-803), y acaba na Avenida de El Llano de Xixón. Tien una llonxitú de 34 km. Empezóse a construyir a finales de 2000 y acabóse en 2003, anque inda nun tien abiertos tolos sos enllaces. L'enllaz que s'abrió l'últimu foi l'enllaz de Ciares, que la coneuta cola ronda de Xixón y cola Avenida d'El Llano.

Recorrido

Esquema	Salida	Sentíu Xixón (ascendente)	Sentíu Mieres del Camín (descendente)	Carretera	Notes
	0	Mieres Uviéu - Xixón Lleón		A-66
	9	Lluniego Llangréu - Altu Nalón - Puertu de Tarna		AS-116   AS-117
	14	El Berrón Carbayín		AS-246   SI-16
	17	Uviéu La Pola Siero - Villaviciosa		A-64	N'obres
	19	Noreña		NO-2
	23	La Braña - Noreña Valdepumares - Madera		AS-246
	31	Mareo
	34	Xixón (El Llano, Centru Ciudá) - Xixón (Ronda) Avilés - Villaviciosa		Av. del Llano   A-8

Recibe comúnmente'l nome d'Autovía Minera porque percuerre les cuenques mineres y carboneres principales d'Asturies, dende Mieres, na cuenca del Caudal, trevesando Llangréu, na zona media de la cuenca del Nalón, Carbayín, Pumarabule, etc., p'adientrase nel conceyu de Xixón peles cercaníes de Mina La Camocha. Ufre una comunicación direuta ente Xixón y la meseta central española, permitiendo nun trevesar la estaya d'influyencia d'Uviéu, descargando de tráficu l'A-66 (conocida como "Y" (i griega) incapaz nos caberos años d'absorber más tráficu rodáu.