Aeropuertu d'Asturies

L'Aeropuertu Internacional d'Asturies (IATA: OVD, OACI: LEAS) allúgase nel llugar d'Anzu, parroquia de Santiagu'l Monte, nel conceyu de Castrillón, n'Asturies (España), a 8 km d'Avilés, 38 de Xixón y 45 d'Uviéu, y ye l'únicu aeropuertu d'Asturies.

Aeropuertu d'Asturies
aeropuertu internacional, aeropuertu y aeródromu de tráficu comercial
IATA: OVD • OACI: LEAS
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Castrillón
Parroquia	Santiagu'l Monte
Coordenaes	43°33′49″N 6°02′05″W
Aeropuertu d'Asturies Aeropuertu d'Asturies (Asturies)
Altitú	127 m
Historia y usu
Apertura	1968
Xestión	ENAIRE
Orixe del nome	Principáu d'Asturies
Aeropuertu
Ciudá a la que sirve	Uviéu y Castrillón
Web oficial

Vientu dominante del noreste. Tien namás una pista d'aterrizaxe 11/29 de 2200 metros de llargu.

Anguaño operen regularmente 6 compañíes n'él, dalgunes de forma estacional: Iberia L.A.E., Air Nostrum (franquicia rexonal d'Iberia), Air Europa, Vueling (franquicia Low-cost d'Iberia), Volotea y EasyJet.

Los destinos regulares o estacionales son Madrid, Barcelona, Valencia, París, Palma de Mallorca y Londres. Con vuelos chárter suelen fletase aviones selmanales con destinos como Tenerife y Lanzarote, ente otros.

En 2019 sumó 1.417.433 de pasaxeros y xestionó 13.406 operaciones.^[1]