Antroxu

Plantía:Ficha de fiesta

Neña nel antroxu de Xixón.

Antroxu ye una fiesta que se celebra enantes de la cuaresma nel Principáu d'Asturies. Son especialmente típiques les fiestes n'Avilés y Xixón, que se celebren nos mesmos díes y tradicionalmente pártense'l protagonismu'l sábadu y el martes d'antroxu, respeutivamente. Uviéu celebra'l antroxu'l fin de selmana siguiente al miércoles de ceniza, yá que, na selmana d'Antroxu, nun hai xornaes festives na ciudá.

Antroxu d'Avilés

La so fiesta grande coincide col sábadu, nel que se realiza'l Descensu Internacional y Fluvial de la Cai de Galiana, actu nel que s'enllena d'espluma la cuesta de la cai Galiana por que baxen por ella los participantes montaos n'artiluxos asemeyando embarcaciones mientres son regaos con agua polos vecinos.

Descensu Internacional y Fluvial de la Cai de Galiana.

Los frixuelos son un platu típicu d'antroxu.

Antroxu de Xixón

Fiesta d'interés turísticu rexonal. Celébrense coincidiendo colos antroxos al igual que nel restu de la xeografía española, xeneralmente nel mes de febreru. Les fiestes del antroxu empiecen col popular Xueves de Comadres y allárgase hasta'l Martes d'Antroxu. Mientres toos estos díes celébrense na ciudá concursos d'amarutes, charangues, pasacalles, el famosu desfile d'Antroxu (Llunes d'Antroxu) y la fiesta remata'l Martes d'Antroxu, cola llectura del testamentu y l'entierru de la sardina. Mientres les xornaes de fiesta pueden tastiase los típicos platos asturianos d'estes fiestes en numberosos restoranes de la ciudá (pote asturianu, frixuelos, picatostes...).

Ver tamién

• Entroido