Asellus Primus
From Wikipedia, the free encyclopedia
Remove ads
Coordenaes: 
14h 25m 11.58s, 51° 49′ 53.102″
Asellus Primus (θ Bootis / θ Boo / 23 Bootis)[6] ye una estrella de la constelación de Boötes con magnitú aparente +4,04. El nome Asellus significa «pollín» en llatín, siendo trés les estrelles que lleven esti nome na constelación: d'este a oeste son Asellus Primus —la primera—, Asellus Secundus (ι Bootis) —la segunda— y Asellus Tertius (κ Bootis), la tercera y postrera. Asellus Primus alcuéntrase a 48 años lluz de distancia del Sistema Solar.
Asellus Primus ye una nana mariella de tipu espectral F7V más caliente y lluminosa que'l Sol, de carauterístiques asemeyaes a Zavijava (β Virginis). Con una temperatura superficial de 6300 K, ye 5 vegaes más lluminosa que'l Sol. El so radiu ye 1,7 vegaes más grande que'l radiu solar y la so masa ta entendida ente 1,25 y 1,5 mases solares. Tien una metalicidá llixeramente inferior a la del Sol ([Fe/H] = -0,14).[7] Al igual que'l Sol, Asellus Primus emite rayos X, lo qu'indica que tien una corona caliente, magar nun se detectó un campu magnéticu.[8] La so edá envalórase en 3200 millones d'años.[7]
Visualmente puede apreciase una tenue compañera de magnitú +11,1 a 69 segundos d'arcu de Asellus Primus.[9] Ye una nana colorada de tipu M2.5V con una temperatura de 3500 K, que la so lluminosidá ye apenes el 2 o'l 3% de la solar. Anque se desconoz si tán gravitacionalmente xuníes, el so movimientu común al traviés del espaciu indica que dambes tán rellacionaes. La separación real ente los dos ye de siquier 1000 UA.[8]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads