Atanasio Corte Zapico

Atanasio Corte Zapico (1929, Llaviana – 2002) foi un médicu y políticu asturianu.

Atanasio Corte Zapico
miembru del Senáu español
Vida
Nacimientu	Llaviana, 1929
Nacionalidá	España
Muerte	2002 (72/73 años)
Estudios
Llingües falaes	castellanu
Oficiu
Oficiu	políticu, médicu
Llugares de trabayu	Madrid

Cursó'l bachilleratu nel Colexu Loyola d'Uviéu y la carrera de Medicina na Universidá de Madrid y Sicoloxía na Facultá de Filosofía y Lletres. Especializáu en Pediatría nel Hospital Infantil Gourdas de Xinebra.

Miembru del partíu Izquierda Democrática (que lideraba Joaquín Ruiz-Giménez) y cofundador del Atenéu Republicanu, foi senador na primera llexislatura democrática, ente 1977 y 1979.

Nel gobiernu preautonómicu de Rafael Fernández, ocupó'l puestu de Conseyeru de Cultura y Turismu. Nesti cargu destacó, ente otros llabores, pol impulsu que-yos dio a proyeutos como los de l'Academia de la Llingua Asturiana, el Muséu de Belles Artes d'Asturies y el Muséu Etnográficu de Grandas de Salime.