Atlántida

L'Atlántida (tamién llamada Atlantis debíu al mitolóxicu rei Atlante, Άτλας) foi un país míticu, y so primera referencia remóntase a testos del filósofu griegu Platón, ubicáu nuna islla (o quizá península o delta d'un gran ríu, del griegu nēsos,νησος), so esistencia y llocalización nunca llegó a confirmase con seguridá.

Atlántida
Alministración
Tipu d'entidá	islla pantasma
Xeografía

Mapa d'Athanasius Kircher mostrando una supuesta ubicación de la Atlántida. (Mundus Subterraneus, 1669)

La Atlántida sirvió d'inspiración para numeroses obres lliteraries y cinematográfiques, apareciendo asina multitú de versiones de la narración, especialmente en histories de fantasía y ciencia-ficción.

A pesar del gran númberu de teoríes propuestes, la mayoría de los historiadores actuales opinen que la Atlántida, tal y comu la describe Platón, nun habría esistíu, aunque podría haber una parte basada na realidá.

La Atlantida de Platón

Les primeres referencies a la Atlántida -baxu esti nome- aparecen en los testos del filósofu griego Platón, el Timeo y el Critias, y según consta nestos diálogos, so islla-acrópolis foi sumerxida baxu el mar comu consecuencia de varios terremotos y una gran inundación o tsunami nos tiempos en que reinaben los reis atenienses. Según Platón, la islla-península Atlántida taba situada ante les Columnes de Hércules (nome vieyu del estrechu de Xibraltar)