Suillellus luridus

Suillellus luridus^[1] (d'antiguo Boletus luridus) ye un fungu basidiomicetu de la familia Boletaceae, que puede atopase tanto en montes de frondosas como en montes de coníferes, con preferencia pelos suelos caliares o neutros. El cuerpu granible apruz de branu a seronda. L'epítetu específicu luridus significa en llatín "maciu, descoloríu". El so sabor ye duce, ye una cogorda tóxica.

Suillellus luridus
Clasificación científica
Reinu:	Fungi
División:	Basidiomycota
Clas:	Agaricomycetes
Orde:	Boletales
Familia:	Boletaceae
Xéneru:	Suillellus
Especie:	S. luridus (Schaeff.) Murrill (1909)
Sinonimia
Boletus luridus Schaeff. (1774) Boletus rubeolarius Bull. (1791) Boletus subvescus J.F.Gmel. (1792) Leccinum luridum (Schaeff.) Gray (1821) Tubiporus luridus (Schaeff.) P.Karst. (1881) Dictyopus luridus (Schaeff.) Quél. (1888)
Consultes
[editar datos en Wikidata]

Suillellus luridus Carauterístiques micolóxiques
Himeniu con poros
El sombreru ye convexu
Llámines: Non aplicable
El pie ta desnudu
Espores de color aceituna o marrón
La ecoloxía ye micorriza
Comestibilidá: velenosa
[editar datos en Wikidata]

Morfoloxía

La so cogorda tien un sombreru d'ente 5 y 12 centímetros de diámetru, pudiendo algamar los 20 centímetros d'anchu, hemisféricu o convexu cuasi esplanáu, de colores que varien del pardu verdosu al pardu acoloratáu. Los tubos son llibres, amarellentaos en fases xuveniles, que van tornándose en verdosos col tiempu. A la corte tomen un color verdeazulado. Los poros son anaranxaos en fases tempranes pa tomar finalmente un color coloráu escuru. El pie tien unes dimensiones que bazcuyen ente 4 y 20 centímetros de llargu, y 1,5 y 5 centímetros d'anchu. Ye de color mariellu o mariellu anaranxao, y ta cubiertu d'una retícula bien marcada. Con frecuencia'l pie presenta un aspeutu bulbosu. La so carne ye blanda y cuando se corta tórnase verdeazulada nun primer momentu, pa pasar a ser azul dempués. La carne que ta cerca de los tubos tien un matiz rosado, y na zona del pie que ta en contautu col sustratu ye de color vinu tinto. La esporada ye marrón olivácea.^[1]

Posibilidaes de tracamundiu

Ye posible confundilo col B. erythropus y col B. queletii, nes que'l sombreru ye más escuru y nun tener el característicu retículo del B. luridus.^[1]