Boloñesa
From Wikipedia, the free encyclopedia
Remove ads
La boloñesa o bolognesa ('ragù bolognese' [raˈɡu boloɲˈɲeːze]) ye un mueyu bien comúnmente usada p'acompañar pastes (una de les más comunes ye la tagliatelle alla bolognese o los spaghetti alla bolognese) o a la típica polenta. Cuando acompaña a un platu apaez la denominación "alla bolognese" (a la boloñesa). Ye un mueyu trupu, de color coloráu, bien emplegada nes contornes cercanes a Bolonia, lleva'l nome ragù como deformación del francés "ragoût".
Remove ads
Historia
N'ochobre del añu 1982 una delegación de Bologna que representaba la Accademia Italiana della Cucina depositó na Camera di Commercio Industria Artigianato y Agricoltura di Bologna la receta oficial del ragù bolognese, coles mires de garantizar la continuidá y el respetu a la tradición gastronómica boloñesa n'Italia y nel mundu.
Carauterístiques
Los sos ingredientes principales son carne picao (o molida) de xata (o de güe), carne picao o molida de gochu, cenahories, apiu, cebolles y tomates (dacuando tou ello en forma de mueyu de tomate). Según les distintes recetes ye posible atopar amás, pimientos morrón, ayu, vinu blanco o tintu, yerbes y especies varies.[1]
Usos
La xente de Bolonia emplega esti mueyu tradicionalmente pa sirvir los famosos "ragúes" con tallarines frescos (tagliatelle alla bolognese), pa polenta o ñoquis. Menos tradicional, el mueyu sirvese colos rigatoni o s'usa como rellenu de la lasaña o pasticho o tamién de canelones. Fuera d'Italia ye bien conocida nos restoranes italianos l'espagueti a la boloñesa (Spaghetti alla Bolognese o Spaghetti Bolognese), que se convirtió n'unu de los platos más conocíos de la cocina italiana.
Ver tamién
- Pasta
- Tucu
Referencies
Wikiwand - on
Seamless Wikipedia browsing. On steroids.
Remove ads