Castanea sativa

La castañal (Castanea sativa) ye un árbol corporientu de fueya caduca con groma amplia y redondeada, algama los 20 ó 35 m d'altor. Tien un tueru gruesu y curtio nos cultivaos magar que más esbeltu y menos xamascosu nos xabaces. So coriella ye de cullor buxu, con abondosos riegos.

Castanea sativa castañal
Estáu de caltenimientu
Esmolición menor (IUCN)
Clasificación científica
Reinu:	Plantae
División:	Magnoliophyta
Clas:	Magnoliopsida
Orde:	Fagales
Familia:	Fagaceae
Subfamilia:	Quercoideae
Xéneru:	Castanea
Especie:	Castanea sativa Mill., Gard. Dict., ed. 8., n. 1, 1768
Distribución
Consultes
Royal Botanic Gardens, Kew	Royal Botanic Gardens, Kew
World Flora Online	World Flora online
[editar datos en Wikidata]

Castañes crudes
Tamañu de porción
Enerxía 197 kcal 824 kJ
Carbohidratos	44.17 g
Grases	1.25 g
Proteínes	1.63 g
Agua	52.00 g
Retinol (vit. A)	1 μg (0%)
Tiamina (vit. B1)	0.144 mg (11%)
Riboflavina (vit. B2)	0.016 mg (1%)
Niacina (vit. B3)	1.102 mg (7%)
Vitamina B6	0.352 mg (27%)
Vitamina C	40.2 mg (67%)
Calciu	19 mg (2%)
Fierro	0.94 mg (8%)
Magnesiu	30 mg (8%)
Fósforu	38 mg (5%)
Potasiu	484 mg (10%)
Sodiu	2 mg (0%)
Cinc	0.49 mg (5%)
% de la cantidá diaria encamentada p'adultos.
Fonte: Castañes crudes na base de datos de nutrientes del USDA.
[editar datos en Wikidata]

Tien fueyes grandes n'arremangu alternu, llanciolaes y aserraes con racos cucios; miden 10-25cm de llargu per unos 3-7cm d'anchu; tienen un peciolu curtio, de hasta 2 cm, lleven numberosos ñervios llaterales cuasi paralelos.

Sos flores ñacen en llarges espigues irguíes de cullor paxizu, que bilten de l'axila de les fueyes. El so frutu, la castaña, de cullor pardu llustrosu de 2-3 cm, enciarráse en grupos de 1-2 nun pical enlleno pinchos y verdiamariello, l'ariciu, que llueu s’abre en 4 cáscares.

Críyase, nel norte, de magar el ras del mar hasta los 1300-1800 m nos montes . Prefiere los suelos frescos, sueltos y profundos y un clima daqué húmedo. Que carezan de cal o tamién en suelos caliares muy llavaos.

So distribución ocupa el sur y sureste d'Europa, sur de Centroeuropa, Asia Menor y el Cáucasu.

Ye un árbol llonxevu, pue algamar los 1000 años, sicasí, munches castañales vénse amagaes por mor de pelones fungoses como la "tinta" o'l cancru'l castañal. Pa solucionar esti problema recúrrese, davezu, a llantar especies esótiques como la Castanea crenata, del Xapón y la Castanea mollissima, del esti de China, pa dempués inxertales coles especies llariegues.

Usos

So madera ye de gran valir y emplégase tanto na ebanistería como na carpintería o la construcción. El so coral ye muy bayuroso en taninos. Tamién emplégase pa la fabricación d'estratos curtientes. Los escarrapios d'esa estración sirven pa la fabricacíon de pasta de papel.

El so fruto ye comestible y puédese consumir crudo, cocicáo o rustío. Les enfusiones de les fueyes empléganse escontra l'abarquinamientu, y ye un remediu popular escontra la llandra, davezu emplegáo n'homeopatía.

Imáxenes

• 
  Castanea sativa
• 
  Castanea sativa
• 
  Ariciu coles castañes
• 
  Castañes