Casu comitativu

El casu comitativu (dacuando llamáu asociativu) ye un casu gramatical qu'espresa la rellación de compañía. Dalgunes de les llingües nes que s'emplega esti casu son el finés, el vascu, l'húngaru y l'estoniu.

N'estoniu, el comitativo fórmase añadiendo'l sufixu -ga al xenitivu cuando'l númberu ye singular:

• nina (nominativu: «ñariz») → nina (xenitivu) → ninaga (comitativu: «con una ñariz»)
• koer (nominativu: «perru») → koera (xenitivu) → koeraga (comitativu: «con un perru»)

Amás, si añaden los sufixos -de y -ga al partitivu en plural:

• leht (nominativu: «fueya d'árbol, páxina») → lehte (partitivu) → lehtedega (comitativu: «con fueyes»)
• kass (nominativu: «gatu») → kassi (partitivu) → kassidega (comitativu: «con gatos»)

N'estoniu, el comitativo emplégase cuando s'utiliza un instrumentu - kirvega («con un hachu / utilizando un hachu») o pa denotar tresporte laevaga («en barca»).