Troglodytes troglodytes

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. La cenrica^[1], cerrica, zarrica, cerricu, zarricu, cerllica, pioyina, fornu o abangavigues^[2] (Troglodytes troglodytes) ye un páxaru pequeñu, de color pardu de la familia Troglodytidae, l'únicu d'esti grupu presente nel Vieyu Mundu. Tamién se-y da'l nome en delles estayes d'Asturies d'abangavigues, puesto qu'a vegaes son munchos los niales que ponen estos páxaros y el so pesu presuntamente acomba les rames o vigues.

Troglodytes troglodytes cenrica
Estáu de caltenimientu
Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Troglodytidae
Xéneru:	Troglodytes
Especie:	T. troglodytes (Linnaeus, 1758)
Distribución
Consultes
[editar datos en Wikidata]

Ye un páxaru cantarín. Pue llegar a midir hasta 9 cm de llonxitú y tien una cola curtia y irguida.

Críase en terrenos arbolaos con soviesca densa, n'escampaos con muncha boza y estayes de bardial, tamién en fazes relativamente abiertes, rocoses y a vegaes mugoses, y cultivos y xardinos.

Troglodytes troglodytes. Troglodytes troglodytes.   Cuculus canorus canorus + Troglodytes troglodytes. Cuculus canorus canorus + Troglodytes troglodytes.