Ciencia ficción
From Wikipedia, the free encyclopedia
Remove ads
Ciencia ficción ye un xéneru de la ficción especulativa qu'imaxina avances científicos y progresos teunolóxicos futuros, incluyendo de forma habitual elementos como la teunoloxía de la información, la robótica, les manipulaciones biolóxiques, la esploración espacial, los viaxes nel tiempu, los universos paralelos y la vida estraterrestre.[1]. El xéneru suel esplorar les reacciones humanes ante les consecuencies d’estos avances proyeutaos o imaxinaos.[2]
Con munchos subxéneros, la definición precisa de la ciencia ficción lleva tiempu siendo oxetu de discutiniu ente autores, críticos, estudiosos y llectores.[3]. Los subxéneros principales inclúin la ciencia ficción dura, qu'enfatiza la precisión científica.[4], y la ciencia ficción blandia, más centrada nes ciencies sociales.[5] Otros subxéneros destacaos son el ciberpunk, qu’analiza la interseición ente teunoloxía y sociedá[6]; la ciencia ficción climática, que trata cuestiones ambientales[7]; y la ópera espacial, que pon l’acentu na aventura nun universu nel que los viaxes espaciales son habituales.[8]
Esisten precedentes del xéneru que se remonten a l'Antigüedá.[9] Dalgunos llibros escritos mientres la Revolución científica y la Ilustración consideráronse tempranes histories de ciencia-fantasía.[10] El xéneru modernu xurde principalmente nel sieglu XIX y a principios del XX, cuando escritores populares empezaron a inspirase y especular col progresu teunolóxicu. Frankenstein (1818) de Mary Shelley ye considerada a menudo la primer novela de ciencia ficción propiamente dicha.[11] Jules Verne y H. G. Wells son figures clave nel desenvolvimientu del xéneru.[12] Nel sieglu XX, la ciencia ficción medró mientres la Edá d'Oru de la Ciencia Ficción[13] y espandióse col apaición de les óperes espaciales, la lliteratura distópica y les revistes pulp[14].
La ciencia ficción influyó non solo na lliteratura, sinón tamién nel cine, la televisión y la cultura en xeneral.[15] El xéneru pue sirvir pa criticar la sociedá actual y proponer alternatives, amás de dar entretenimientu y inspirar un "sentíu de maraviya".[16]
Remove ads
Referencies
Wikiwand - on
Seamless Wikipedia browsing. On steroids.
Remove ads