Concepción Espejel Jorquera
xueza española From Wikipedia, the free encyclopedia
Remove ads
María Concepción Espejel Jorquera (15 de setiembre de 1959, Madrid), más conocida como Concepción Espejel, ye una xueza, presidenta de la seición segunda de la Sala de lo Penal de l'Audiencia Nacional. Pertenez a l'Asociación Profesional de la Maxistratura.[2][3]
_Cospedal_y_Rouco_imponen_la_Gran_Cruz_de_San_Raimundo_de_Peñafort_(12900723205)_(cropped).jpg)
.svg){kind=link}
_pasador.svg){kind=link}
_pasador.svg){kind=link}
Remove ads
Biografía
Estudió Derechu nel ICADE.[4]
Entamos
En 1983 empezó nel xulgáu de Vinaròs (Castellón), depués en Reus y Valls (Tarragona) y darréu na Maxistratura del Trabayu de Bilbao. En 1993 foi nomada presidenta de la seición 2ª de l'Audiencia Provincial de Tarragona. En 1995, foi destinada a l'Audiencia Provincial de Segovia. En 2001, maxistrada de l'Audiencia Provincial de Guadalaxara y en 2002, presidenta de la mesma.[2]
Caso Chigre Chinaski
El 5 de febreru de 2005 Israel Galve Maldonado, xefe provincial de Falanxe de Guadalaxara, apuñala con una navaya por trés vegaes a un mozu d'izquierdes. Espejel presidió en 2007 la Sala de l'Audiencia Provincial que xulgó l'agresión y, na sentencia, dizse que l'ánimu del falanxista nun yera matar sinón mancar «máxime si tenemos en cuenta que la víctima ye una persona delgada, con menor resistencia por tanto a la penetración, lo que denota la escasa contundencia del impautu». L'acusáu foi condergáu por un delitu de mancadures con preséu peligrosu a dos años de prisión. L'afrelláu recurrió y el Tribunal Supremu condergó al falanxista, como autor d'una tentativa de homicidiu, a 5 años de prisión, cola accesoria de inhabilitación especial pal derechu de sufraxu pasivu mientres el tiempu de la condena.[2]
Caso Quema de Riba de Saelices
Nesta quema, finaron 11 miembros d'un reten en 2005. La xueza de Sigüenza instructora del casu refugó la responsabilidá de los responsables políticos y téunicos de la Xunta de Castiella-La Mancha (gobernada pol PSOE). Espejel, presidenta de l'Audiencia de Guadalaxara, y otros dos maxistraos ordenaron a la xueza instructora siguir investigando a l'alministración. Poques selmanes dempués, la xueza instructora foi treslladada por una decisión del CGPJ y la nueva xueza de Sigüenza imputó a una ventena de cargos, ente los cualos la exconsejera de Mediu Ambiente, Rosario Arévalo. Finalmente, fueron procesaos 15 responsables políticos y téunicos. El PP exercía l'acusación particular por delitos de quema, homicidiu y contra los trabayadores. Dempués de dexar Espejel l'Audiencia pa dir al CGPJ, se eximió a los cargos políticos y téunicos y condergóse namái al escursionista que provocara la quema al faer una barbacoa. El nuevu tribunal criticó por irrelevante y inútil gran parte de lo investigao, nuna quema que'l so orixe y autor conocíense dende l'entamu.[5]
Conseyu Xeneral del Poder Xudicial
En 2008, ye escoyida Conseyera del Poder Xudicial pol Plenu del Senáu, col sofitu del Partíu Popular. Y, por alcuerdu del Conseyu, en 2008 declárase-y en servicios especiales na Audiencia Guadalaxara.
Audiencia Nacional
En 2012, la Comisión Permanente del CGPJ designar presidenta de la seición segunda de la Sala de lo Penal de l'Audiencia Nacional, en sustitución de Fernando García Nicolás. En 2014, toma posesión na Audiencia Nacional.
Casu Valtònyc
El raperu Josep Miquel Arenas, conocíu como Valtònyc, foi deteníu'l 23 agostu 2012 pola Policía Nacional. Acusábase-y d'enaltecimientu del terrorismu, apoloxía al odiu ideolóxicu, enguizamientu a la violencia y inxuries a la Corona na lletra de los sos cantares.[6][7] El 22 de febreru de 2017, el tribunal de l'Audiencia Nacional, formáu por Concepción Espejel (presidenta y ponente), Enrique López y Juan Pablo González, condergar a 3 años y mediu de cárcel.[8] El Tribunal Supremu ratificó la sentencia'l 20 de febreru de 2018.[9][10][11]
Remove ads
Condecoraciones y reconocencies
- 2014. Cruz Estremada de primer Clase de la Orde de San Raimundo de Peñafort.
- Cruz al Méritu Policial con Distintivu Blanco.
- Cruz al Merito de la Guardia Civil con Distintivu Blanco.
Referencies
Wikiwand - on
Seamless Wikipedia browsing. On steroids.
Remove ads