Consonante africada

Una consonante africada ye un tipu de soníu consonánticu obstruyente que s'empecipia con una oclusión (obstrucción del fluxu d'aire) y una fricación (lliberación del fluxu d'aire) de forma rápida y socesivamente ente los órganos articulatorios.

Llistáu de les consonantes africaes

L'Alfabetu Fonéticu Internacional clasificó les siguientes consonantes africaes:

• [pf] africada labiodental sorda
• [t͡s] africada alveolar sorda
• [dz] africada alveolar sonora
• [t̠ʃ] africada postalveolar sorda
• [d̠ʒ] africada postalveolar sonora
• [t̠ɕ] africada alveopalatal sorda
• [d̠ʑ] africada alveopalatal sonora
• [ʈʂ] africada retroflexa sorda
• [ɖʐ] africada retroflexa sonora

Exemplos

Son soníos comunes nos idiomes del mundu.

• El soníu "ch" n'asturianu (trescritu como [tʃ] nel Alfabetu Fonéticu Internacional) ye una africada postalveolar sorda.
• El soníu de la "j" n'inglés [d̠ʒ] ye una africada postalveolar sonora.
• El soníu de "z" n'alemán [t͡s] ye una africada alveolar sorda.
• Los dos posibles soníos n'Italianu z [t͡s] y [d͡z] son exemplos típicos de consonantes africaes.
• El náhuatl tien una africada llateral-alveolar sorda "tl"[t͡ɬ ], que tamién foi tresferida al español de Méxicu.

Ver tamién

• Consonante fricativa
• Consonante oclusiva
• Consonante coarticulada