Mercedes-Benz Group
From Wikipedia, the free encyclopedia
Remove ads
Mercedes-Benz Group AG (antes: Daimler AG) ye una empresa dedicada principalmente a la industria del automóvil. Les sos principales marques son Maybach, Mercedes-Benz y Smart y provién de la dixebra en 2007 de DaimlerChrysler AG que foi la tercer empresa automovilística más grande del mundu, dempués de Toyota y de General Motors. Tenía la so sede principal en Stuttgart, Alemaña, y arrexuntaba a les marques Maybach, Mercedes-Benz, Dodge, Chrysler, Jeep, Smart y parte de Mitsubishi Motors. Dende fines de 2007, les marques Chrysler, Dodge y Jeep pasaron a pertenecer a Chrysler LLC, y la empresa alemana camudó'l so nome a Daimler AG.
Remove ads
Mercedes Benz
La historia de Mercedes-Benz remóntase a 1885, cuando Gottlieb Daimler, xunto con Wilhelm Maybach, patenten un motor de cuatro tiempos, xusto cuando Karl Benz desenvolvía'l motor monocilíndricu, tamién denomáu "cuatro tiempos", y funda la "Benz & Co". Un añu dempués, en 1886 la Daimler - Motoren - Gesellschaft (DMG) fabricó'l so primer vehículu.
Llinia del tiempu
- En 1900 fina Gottlieb Daimler.
- En 1902 rexístrase la marca “Mercedes”, nome surdíu desque'l Cónsul d'Austria en Niza, Emil Jellinek, inscribiera'l so coche Daimler na primer carrera de Niza (1898). L'autu ganó socesives carreres, y llevaba pintáu nel capó'l nome de la so fía Mercedes.
- En 1906 ábrese la primer representación comercial de Daimler n'España, na madrilana cai de Conde de Peñalver, 25.
- En 1909 la Daimler - Motoren - Gesellschaft adouta la estrella de tres puntes como símbolu, y nesi mesmu añu la Karl Benz toma la corona de lloréu y la robla Benz como marca de fábrica.
- En 1924 xúnense les compañíes fundaes por Gottlieb Daimler y Karl Benz, formando asina la “Daimler-Benz AG” y los sos productos tomen la marca de Mercedes-Benz.
- En 1929 finen Karl Benz y Wilhelm Maybach.
- En 1981 la Daimler-Benz AG adquier la norteamericana Freightliner Trucks.
- En 1998 la Daimler-Benz AG fúndese cola Chrysler Corporation pa convertise en DaimlerChrysler AG.
- El 15 de mayu de 2007 la compañía anuncia la venta de Chrysler a la compañía Cerberus de Fondos d'Inversión.
El 27 de xunu de 2014 la compañía anuncia un alcuerdu comercial cola alianza Renault-Nissan pa la construcción d'automóviles Mercedes-Benz y Infiniti en Méxicu, arriendes d'anunciar la construcción d'una nueva planta na ciudá d'Aguascalientes, en Méxicu.[1][2]
Remove ads
Factoríes de Daimler AG
Automóviles
Mercedes-Benz
Smart
Maybach
Vehículos Comerciales
Camiones
Mercedes-Benz Trucks
Western Star Trucks & Thomas Built Buses
Freightliner Trucks
BharatBenz Trucks
Mitsubishi Fuso Trucks & Buses
Daimler Buses
Remove ads
Ver tamién
- Tesla Motors
Referencies
Enllaces esternos
Wikiwand - on
Seamless Wikipedia browsing. On steroids.
Remove ads