Doctrina Calvo

La Doctrina Calvo, denomada así pol so autor, Carlos Calvo, ye una doctrina llatinoamericana de Derechu internacional qu'establez que, quien vive nun país estranxeru tienen de realizar les sos demandes, reclamaciones y quexes sometiéndose a la xurisdicción de los tribunales llocales, evitando recurrir a les presiones diplomátiques o intervenciones armaes del so propiu Estáu o gobiernu. Foi recoyida en delles constituciones llatinoamericanes.

Esta doctrina dacuando ye confundida cola doctrina Drago, debida al tamién xurista arxentín Luis María Drago, qu'establez una aplicación más acutada del mesmu principiu. Calvo xustificaba la so tesis señalando que yera necesariu torgar que los países más poderosos interfirieren na xurisdicción de los más débiles.