Estrechu de Messina

L'estrechu de Messina (italianu: stretto di Messina ) ye un estrechu marín que dixebra la islla de Sicilia de la Italia peninsular, comunicando'l mar Tirrenu col mar Xónicu. Na so parte más angosta, el norte, el so anchor ye de tan solo 3 km.

Estrechu de Messina
Stretto di Messina (it)
Situación
Tipu	estrechu
Parte de	mar Mediterraneu
Coordenaes	38°14′45″N 15°37′57″E
Estrechu de Messina Estrechu de Messina (Italia)
Datos

Un tresbordador coneuta la ciudá de Messina (Sicilia) col continente en Villa San Giovanni, en Calabria. Na actualidá esiste un proyeutu pa xunir Sicilia col continente por aciu una ponte de 3.300 metros de llargor anque esiste un gran discutiniu n'Italia sobre la conveniencia de la so execución dada la dificultá téunica del proyeutu, por tratase d'una zona d'intensa actividá sísmica y azotada con avezamientu por fuertes vientos.

Estrechu de Messina vistu dende la sablera de Paradiso, Messina

Mitoloxía

Dellos investigadores opinaben, yá dende l'antigüedá, que l'estrechu de Messina yera'l pasu identificable col llugar onde habitaben Escila y Caribdis, una a cada llau del estrechu.

Los puntos más cercanos del Estrechu de Messina, Escila y Caribdis na mitoloxía, vistu dende'l pueblu de Torre Faro en Messina

Correspondencies

• Villa San Giovanni - Messina:
  • Desenvuélvese un intensu tráficu nel trayeutu, que dexa tresportar persones, automóviles y convóis ferroviarios ente les dos rexones.

• Regio Calabria - Messina:
  • Esisten conexones rápides ente los dos puertos por aciu barcos y aliscafos que dexen el tresporte de persones ente les dos ciudaes.

• • Hai tamién conexón rápida col muelle del Aeropuertu de Reggio Calabria.

Les ciudaes del estrechu

Les dos provincies que s'asomen al estrechu (Provincia de Messina y Provincia de Reggio Calabria) axustaron apocayá les bases pa formar el Área Metropolitana Integrada del estrechu, un proyeutu que va tender a crear la Ciudá del estrechu, una sola metrópolis coles dos ciudaes costeres integraes.

Otres ciudaes a veres del estrechu son les siguientes:

• Calabria:
  • Regio Calabria
  • Scilla
  • Villa San Giovanni
• Sicilia

Galería

• 
  Vista del cabu Peloro y del estrechu de Messina.
• 
  Sicilia vista dende Calabria.
• 
  Estrechu de Messina vistu dende'l monte Dinnammare, 1130 m.

Ver tamién

• Ponte del estrechu de Messina
• Mar Xónicu, Mar Tirrenu.
• Faru de Messina
• Terremotu de 1908