Eupteleaceae

Les eupteleacees (Eupteleaceae) son una familia d'anxospermes del orde ranunculales. Consta d'un únicu xéneru, Euptelea Siebold & Zucc., 1840 con 2 especies, que se distribúin pel este y sur d'Asia.

Eupteleaceae
Clasificación científica
Reinu:	Plantae
División:	Magnoliophyta
Clas:	Eudicotyledoneae
Orde:	Ranunculales
Familia:	Eupteleaceae K. Wilh., 1910, nom. cons.
Xéneru y especies
Euptelea Euptelea pleiosperma Euptelea polyandra
Consultes
Royal Botanic Gardens, Kew	Royal Botanic Gardens, Kew
World Flora Online	World Flora online
[editar datos en Wikidata]

Descripción

• Árboles caducifolios, raramente arbustos. Indumento práuticamente ausente, a lo sumo con pelos simples, uniseriaos, caducos nes fueyes nueves.
• Fueyes simples, espirales, dentaes (dientes glandulares), ovales o arrondaes y acuminaes, mayores nos macroblastos, pinnatinervies, craspedódromas, peciolos con célules secretores y taníferas, la so base escavada, ensin estípules, vernación subplicada-conduplicada. Estomes anomocíticos, hipostomáticos.
• Tarmos simpódicos, dacuando con dellos tueros, con macro- y braquiblastos. Nuedos unilacunares, con (5-)7-9(-11) rastros foliares.
• Inflorescencies precoces, flores solitaries na axila d'una bráctea, les bráctees arrexuntaes en fascículos de 6-12 en cada nuedu de braquiblastos foliosos, les inferiores con 2 bracteoles.
• Flores pequeñes, aclamídeas, hipóginas, perfectes, bisimétricas, pendientes. Receptáculu planu. Discu hipógino ausente. Androcéu de 6-19(-50) estames llibres, llongures, filantéreos, univerticilaos, anteres coloraes, grandes, basifijas, non versátiles, latrorsas, con 2 teques, cada teca 2-esporangiada, dehiscencia por hendiduras llonxitudinales llaterales, conectivu apicalmente prominente. Xinecéu apocárpicu, súperu, de (6-)8-31 carpelos llibres, pequeños, estipitaos, utriculaos, astilos, verdes, estigmas 2, en forma de crestes a lo llargo de la sutura ventral, llaterales, secos, con llargues papiles unicelulares, óvulos anátropos, apótropos, bitégmicos, crasinucelaos, 1-3(-4) por carpelu, placentación marxinal.
• Frutu compuestu de delles sámaras pequeñes, estipitaes, apargaminaes.
• Grana plana con endospermu abondosa, oleosu, embrión pequeñu, rectu, con 2 cotiledones.
• Polen esferoidal, tricolpáu a multiaperturáu, tectado-furáu, finamente reticuláu, escabráu (con verrugas supratectales), exina apertural porcaz con granos irregulares.
• Númberu cromosómico: 2n = 28.

• Euptelea polyandra
• 
• 
• 
• 

Ecoloxía

Los carpelos na antesis tán bien inmaduros, los óvulos tarden 2 meses n'algamar el maduror y fecúndense entós (2 meses dempués de la polinización), presentando autoincompatibilidad parcial. Polinización anemófila, con antesis temprana (marzu-abril). Les sámaras presenten dispersión anemócora. Atópase nos montes de valles húmedos. Florien de marzu a mayu y fructifican de xunetu a agostu.

Fitoquímica

Presenten proantocianidines, saponines, sapogenines, quercetina y kaempferol, según flavonoides del tipu de la calcona, pero non miricetina, arbutina, acedu elágico nin iridoides. Nun son cianogenéticas.

Usos

Les dos especies cultívense dacuando como ornamentales.

Posición sistemática

Les eupteleacees son un grupu d'anxospermes que s'inclúin nel cláu Eudicotiledónees. reconocióse-y siempres una posición aisllada y usualmente incluyó-ylo nel orde Hamamelidales o n'unu propiu, Eupteleales, o bien nel orde Trochodendrales, lo que vien reflexar les duldes qu'amena ente los botánicos, que-y buscaron rellación coles cercidifilacees o les eucomiacees. Les meyores en filoxenia molecular dexaron allugar la familia como la caña basal del orde Ranunculales. El APW (Angiosperm Phylogeny Website) considera que forma parte del Orde Ranunculales, siendo'l grupu hermanu del restu de les families que componen un cláu más avanzáu (cf. AP-website).

Taxones incluyíos

Introducción teórica en Taxonomía

El xéneru Euptelea Siebold & Zucc., 1840, tien como especie tipu E. polyandra Siebold & Zucc., 1840. Conócense anguaño dos especies:

• Especie Euptelea pleiosperma Hook.f. & Thomson, 1864 (= E. davidiana Baill., 1876; E. delavayi Tiegh., 1900; E. franchetii Tiegh., 1900; E. minor Ching, 1941)

Nordeste de la India, Bután, China. 900-3600 m. Árbol o arbustu de 2-15 m.

• Especie Euptelea polyandra Siebold & Zucc., 1840

Xapón. 400-1500 m. Arbolín o árbol de 3-7 m.

Referencies

• Endress, P.K. (1993). «Eupteleaceae.», Kubitzki, K., Rohwer, J.G. & Bittrich, V. (Editores). The Families and Genera of Vascular Plants. II. Flowering Plants - Dicotyledons.. Springer-Verlag: Berlín. ISBN 3-540-55509-9.
• Watson, L., and Dallwitz, M.J.. «The families of flowering plants: descriptions, illustrations, identification, and information retrieval. Version: 29th July 2006.». Consultáu'l 4 d'avientu de 2006.