Fårö
From Wikipedia, the free encyclopedia
Remove ads
Fårö ye una islla de Suecia allugada nel mar Bálticu a dellos quilómetros al norte de la islla de Gotland, de la que depende alministrativamente. Fårö ye la segunda islla n'estensión de la provincia de Gotland. La so superficie ye de 111,35 km². Ellí vivió y morrió'l cineasta Ingmar Bergman.
.jpg)
Remove ads
Nome
En gútnicu antiguu Faroyna, lliteralmente: islla alloñada. El so nome suel interpretase equivocadamente como «isla d'oveyes», una y bones «får» significa «oveya» en suecu modernu; sicasí, esti términu nunca s'utilizó históricamente en Gotland, onde'l términu llocal pa «oveya» ye «lamm».
Carauterístiques xenerales
La islla ta xebrada de Gotland pol estrechu de Fårösund, magar que ta coneutada per una llinia gratuita de ferry cada trenta minutos.
Tanto en Fårö como na islla de Gotland esisten unes formaciones predroses denominaes raukar, esclusives d'estes islles, que son unos farallones de roca caliar formaos pola erosión natural demientres la era glaciar y pel mar. Dalgunes de les sos figures y formes son particularmente estrañes y suxerentes.
Remove ads
Cinematografía
El cineasta Ingmar Bergman vivió na islla, onde tamién rodó delles de les sos películes, ente elles les de "la triloxía de Fårö": La hora del llobu, La vergüenza y La pasión d'Ana. La primer película que'l cineasta rodó na islla foi Detrás d'un vidriu escuru en 1961. Morrió ellí'l 30 de xunetu de 2007.
Zones de Fårö
Fårö fyr
El Fårö fyr ("Faru de la islla Fårö") ta allugáu al noroeste, tien un altor de 30 metros y foi construyíu ente 1846 y 1847.
Langhammars
Na península de Langhammars ("Llugar del Martiellu llargu") al noroeste de Fårö allúgase la reserva natural Langhammars onde pueden atopase les famoses raukar, pilastres o farallones de dellos metros de roca esculpíos pola naturaleza.
Digerhuvud
La reserva natural Digerhuvud ("Cabeza enorme") alluga'l paraxe de pesca de Helgumannen (Helgumannen fiskeläge). Nun ye apta para bañase o nadar por cuenta de la so fondura (más de 80 metros cerca de la mariña) y los sos fuertes corrientes, sicasí, ye una zona popular pa la pesca deportiva.
Sudersand
La estensa y sabliega playa Sudersand al nordeste de Fårö ta al llau del Sudersands semesterby ("Villa de vacaciones de Sudersand") qu'ufierta agospiamientu a los turistes.
Remove ads
Fotografíes
Les famoses raukar
Carbayu na estación Ava en Fårö (mentáu por Carlos Linneo en 1741), el so tueru tien un perímetru d'aproximao 6 metros.
Fårö fyr
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads