Foria

La foria (o cirria) nun ye una enfermedá sinón el síntoma d'otru trestornu. La so principal carauterística ye la evacuación pel cursu repetíes vegaes d'escrementos de mena líquido, lo que prevoca una baxa absorción de líquidos y nutrientes, pudiendo tar acompangada de dolor, calentura, basquiaes (voltures), vómitu, debilidá o perda de fame. D'acordies coles cifres de la Organización Mundial de la Salú, la foria ye una de les principales causes de muerte nos países del Tercer Mundu

Foria
Especialidá	infeutoloxía
Avisu médicu
[editar datos en Wikidata]

Alvertencia: Wikipedia nun ye un consultoriu médicu nin farmacolóxicu. Si piensa que precisa ayuda, por favor, fale con un profesional de la salú.

La definición médica de la foria ye l'aumentu de la cantidá de feces a más de 200 g / 24 h. El paciente siéntelo como un amenorgamientu na durez de les feces que prevoca urxencia o encomodu abdominal.