Godzilla (película de 1998)
película de 1998 dirixida por Roland Emmerich From Wikipedia, the free encyclopedia
Remove ads
Godzilla ye una película de monstruos estrenada en 1998, dirixida y co-escrita por Roland Emmerich y que ye una adautación norteamericana del monstruu xaponés de la productora Toho. Ye la ventena tercer película de la franquicia[6] y la primera producida dafechu por un estudiu de Hollywood. El repartu de la película ta formáu, ente otros, por Matthew Broderick, Jean Reno, Maria Pitillo, Hank Azaria, Kevin Dunn, Michael Lerner y Harry Shearer.
Remove ads
Remove ads
Argumentu
Un iguana muta al esponese a enerxía nuclear poles pruebes atómiques que faen na Polinesia Francesa. Ceo, una criatura xigante ataca una barcu de pesca xaponés por una criatura xigante y namás que sobrevive una persona. El doctor Niko "Nick" Tatopoulos ye un científicu de la NRC qu'investiga los efeutos de radiación na fauna y flora de Chernóbil cuando un oficial del Ministeriu d'Asuntos Esteriores d'EE.XX. lu convoca. En Tahití, un francés misteriosu entruga al sobreviviente traumáu sobre lo asocedío, y esti respuende-y una y otra vuelta "Gojira." A Nick únvienlu a Panamá y Xamaica pa estudiar la buelga que lleva al barcu de pesca xaponés, recuperáu con unes marques de garfies tremendes. Nick identifica muestres de pelleyu y resuelve que pertenecen a una especie desconocida. Refuga la teoría del exércitu de que la creatura ye un dinosauriu, defendiendo que ye un ser mutante creáu pola radiación nuclear.
La creatura apuerta a Nueva York, dexando un rastrexu de destrucción al so pasu. L'exércitu de los EE.XX., evacúa la ciudá faciendo casu a Nick, y usen de golisma pal monstruu una pila enorme de pexe. Por embargu, el tientu de matalu sal mal y prodoz más estrozu primero de fuxlr. Nick recueye una muestra de sangre y con una prueba d'embaranzu prueba que la criatura se reproduz asexualmente y y ta pañando comida pa la prole. Nick tamién s'alcientra cola ex, Audrey Timmonds, una aspirante a reportera. Mientres lu visita, ella roba una cinta clasificada na tienda militar d'él que cuenta l'orixe'l monstruu. Entrégala a la cadena esperando dar el campanazu, pero'l xefe diz que ye in descubrimientu d'él y noma la criatura "Godzilla."
Como resultancia, saquen a Nick de la operación y él refuga a Audrey, pero entós secuéstralu'l francés misteriosu Philippe Roaché. Revelando que ye un axente del serviciu secretu francés, Philippe esplica qu'él y los colegues lleven tiempu siguiendo'l casu p'atapar el cargu'l so país na creación del monstruu. Abarruntando qu'hai un ñal ayures na ciudá, trabaya con Nick p'alcontralu y destruyilu. Mentanto, Godzilla reapaez en ríu Hudson y atáquenou con somarinos. Tres dispara-y torpedos paez que Godzilla muerre y funde.
L'equipu de Nick y Philippe, siguíu por Audrey y el so cámara Victor Palotti, atopen el ñal n'interior del Madison Square Garden, con más de doscientos güevos. Los güevos empiecen a abrise y les críes atáquenlos. Nick, Victor, Audrey y Philippe escuéndense na cabina d'emisión del Madison Square Garden y son a avisar l'exércitu. Respuénden-yos que van atacar per aire y han fuxir primero de qu'empiece'l bombardéu.
Audrey y Nick arreglénse, pero entós remanez Godzilla, tovía vivu. Enrabiáu pola muerte les críes, escuerre a los cuatro per tou Manhattan. Fuxendo en taxi, empobinen a Godzilla pa los cables de la Ponte de Brooklyn, nos que s'enguedeya y pue atacalu l'exércltu hasta matalo. Too mundu lo celebra y Audrey dexa'l trabayu polo que-y fizo'l xefe y marcha con Nick. Philippe garra la cinta de Victor y prométe-y torná-yla dempués de censurala. Pero nes ruines de Madison Garden abre un güevu y suena un ruxíu.
Remove ads
Continuación
Pocos meses dempués de la estrena la película salió una continuación como serie animada, Godzilla: The Series, protagonizada pol mesmu Nick Tatopoulos y la cría sobreviviente, yá adulta.
Polémica en Xapón
La película recibió males critiques en Xapón pol pocu asemeyu al monstruu orixinal,[7] lo que llevó a acabar considerándolu un monstruu distintu que renomaron Zilla.
Repartu
- Al Sapienza
- Arabella Field
- Bodhi Elfman
- Chris Ellis
- Clyde Kusatsu
- Derek Webster
- Doug Savant
- Frank Bruynbroek
- Glenn Morshower
- Hank Azaria
- Harry Shearer
- Judy Reyes
- Ken Lerner
- Kevin Dunn
- Lance Reddick
- Malcolm Danare
- Maria Pitillo
- Masaya Katō
- Matthew Broderick
- Michael Lerner
- Montae Russell
- Nancy Cartwright
- Nathan Anderson
- Philippe Bergeron
- Richard Gant
- Seth Peterson
- Vicki Lewis
- Christian Aubert
- Jean Reno
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads