Hélène Langevin-Joliot

Hélène Langevin-Joliot (19 de setiembre de 1927, VI Distritu de París) ye una física nuclear francesa. Educóse nel Institut de physique nucléaire (asturianu: Institutu de Física Nuclear) n'Orsay, un llaboratoriu que foi creáu polos sos padres Frédéric y Irène Joliot-Curie. Hélène ye un miembru del comité asesor del gobiernu francés.^[4]

Hélène Langevin-Joliot
presidenta 2004 - 2012 ← Jean-Pierre Kahane - Édouard Brézin →
Vida
Nacimientu	VI Distritu de París, 19 de setiembre de 1927 (97 años)
Nacionalidá	Francia
Residencia	Antony
Familia
Padre	Jean Frédéric Joliot-Curie
Madre	Irène Joliot-Curie
Casada con	Michel Langevin
Fíos/es	Yves Langevin Françoise Mijangos (en)
Hermanos/es	Pierre Joliot (es)
Estudios
Estudios	École supérieure de physique et de chimie industrielles de la ville de Paris Facultad de Ciencias de París (es) 1956) doctoráu
Llingües falaes	francés[1]
Oficiu
Oficiu	física, física nuclear, escritora
Emplegadores	Facultad de Ciencias de París (es) Paris-Saclay Faculty of Sciences (en) Universit'e Paris-Saclay Centre National de la Recherche Scientifique
Premios	ver Comendador de la Lexón d'Honor Gran Oficial de la Orden Nacional del Mérito  (15 mayu 2015) [2] Gran Cruz de la Orde Nacional del Méritu  (24 payares 2021) [3]
Creencies
Partíu políticu	Partíu Comunista Francés

Na actualidá, Hélène ye profesora de física nuclear nel Institutu de Física Nuclear na Universidá de París^[5][6] y direutora d'Investigación de la CNRS. Tamién ye conocida pol so trabayu, nel qu'afala a les muyeres a siguir carreres nos campos científicos.

Ye presidenta del Grupu Especial que da'l premiu Marie Curie Excellence, un premiu dau a destacaos investigadores europeos.^[7] Y ye presidenta del Rationalist Union.^[8]

Formación

Como'l so padre Frédéric Joliot-Curie y el so home Michel Langevin, Hélène Langevin-Joliot ye inxeniera de l'École supérieure de physique et de chimie industrielles de la ville de Paris (ESPCI ParisTech) (asturianu: Institutu cimeru de física y de química industrial de la ciudá de Paris ) (64y promoción, diplomada en 1949),^[9] escuela na que los sos güelos, Pierre y Marie Curie, afayaron el radiu y el poloniu. Ella presentó la so tesis doctoral d'Estáu en 1956.

Familia

El so home, Michel Langevin, yera nietu del famosu físicu Paul Langevin (que tuvo un romance cola vilba Marie Curie, güela de Hélène, en 1910) y tamién foi físicu nuclear nel Institutu, y el so fíu, Yves (1951), ye astrofísicu.^[10][11]

Langevin-Joliot ye d'una familia de reconocíos científicos. Los sos güelos yeren Pierre Curie y Marie, famosa pol so estudiu de la radioactividá, pol que ganó un Premiu Nobel de física con Henri Becquerel en 1903. Marie Curie foi la primer persona en ganar un Premiu Nobel en dos ciencies, la segunda foi en química (1911) col so descubrimientu del radiu y el poloniu.

De la mesma, los padres de Hélène Langevin-Joliot ganaron el Premiu Nobel de Química en 1935 pol so descubrimientu de la radioactividá artificial. Pierre Joliot, el so hermanu y biofísicu, fixo contribuciones al estudiu de la fotosíntesis.^[12]

Por cuenta de l'heriedu de la so familia, Langevin-Joliot regularmente concede entevistes y da charres sobre la so hestoria.^[6][10]