Instituto Camões

L'Institutu Camões ye una institución creada pa la promoción de la llingua portuguesa y de la so cultura per tol mundu.

Instituto Camões
organización
Llocalización
País	Portugal
Distritu portugués	[[Distritu de Lisboa|{{{2}}}
Gran ciudá	[[Lisboa|{{{2}}}
Sede	Lisboa
Direición	Portugal
Historia
Fundación	1992
Fundador	Gobierno de Portugal (es)
Orixe del nome	Luís de Camões
Participación empresarial
Organización matriz	Gobierno de Portugal (es)
Varios
Premios	(2005)  Premiu Princesa d'Asturies de Comunicación y Humanidaes
Web oficial

Historia

L'Institutu Camões foi creáu en 1992 como socesor del Institutu da Cultura y Língua Portuguesa so la supervisión del Ministeriu d'Asuntos Esteriores de Portugal, y anguaño tien una autonomía tanto alministrativa como patrimonial. Güei día, l'Institutu ta presente en más de 30 países, creando nellos tantu Centros de Língua Portuguesa como Centros culturais portugueses (nos primeres enséñase l'idioma y nos segundos la cultura y tradiciones de Portugal).

Esti institutu ye equivalente al Institutu Cervantes español, la Società Dante Alighieri italiana, l'Alliance Française francesa, el British Council británicu o'l Goethe-Institut alemán. Toos ellos trabayen pa sopelexar les sos respeutives cultures per tol mundu, favoreciendo asina la conocencia de delles de les principales llingües europees, fechu pol cual dióse-yos el Premiu Príncipe d'Asturies de Comunicación y Humanidaes del añu 2005.^[1]

Centros de Llingua

Los Centros de Llingua Portuguesa del Institutu (Centros de Língua Portuguesa o CLP) son centros que'l so propósitu ye promover la llingua portuguesa, según cooperar con distintos países distintos nel campu de la educación.

Llocalizaciones

• Alemaña: Hamburgu
• Angola: Benguela y Lubango
• Arxentina: Buenos Aires
• Chile: Santiago de Chile
• Cabu Verde: Praia
• Corea del Sur: Pusan (Institutu Português do Oriente)
• España: Barcelona, Cáceres, Madrid y Vigo
• Estaos Xuníos: Newark
• Francia: Lille, Lyon, y Poitiers
• Guinea-Bisáu: Bisáu
• Hungría: Budapest
• India: Goa
• Indonesia: Xakarta (Institutu Português do Oriente)
• Méxicu: Ciudá de Méxicu
• Mozambique: Beira, Maputu y Nampula
• Polonia: Lublin
• Reinu Xuníu: Newcastle y Oxford
• República Checa: Praga
• Rumanía: Bucarest
• Santu Tomé y Príncipe: Santu Tomé
• Sudáfrica: Johannesburgu
• Timor Oriental: Dili
• Tunicia: Ciudá de Túnez
• Venezuela: Caraques

Na actualidá, tán estableciéndose nuevos centros en París, Dakar, Poitiers, Windḥoek, Amberes, Estocolmu, Viena, y na sede de la Xunión Africana n'Adís Abeba y de la Comunidá Económica de los Estaos d'África Occidental en Abuya.

Centros culturales

Los centros culturales portugueses del Institutu (Centros culturais portugueses) son centros que'l so oxetivu ye la promoción de les rellaciones culturales ente Portugal y otros países, especialmente naquellos colos que Portugal guarda fuertes llazos históricos y culturales.

Llocalizaciones

•  Angola (Luanda)
•  Brasil (Brasilia, São Paulo)
•  China (Beixín)
•  Cabu Verde (Praia, Mindelo)
•  Francia (París)
•  Guinea-Bisáu (Bisáu)
•  India (Nueva Delhi)
•  Xapón (Tokiu)
•  Luxemburgu (Luxemburgu)
•  Marruecos (Rabat, Casablanca)
•  Mónacu (Mónacu)
•  Mozambique (Maputu, Beira)
•  Santu Tomé y Príncipe (Santu Tomé, Isla de Príncipe)
•  Tailandia (Bangkok)
•  Timor Oriental

(Dili)

Esisten delegaciones en Berlín (Alemaña), Bruxeles (Bélxica) y Vigo (España).

Orixe del nome

L'Institutu Camões llamóse asina n'honor a Luís de Camões, l'escritor más conocíu y de más sonadía de Portugal.