Internet

Internet ye una rede mundial de millones d'ordenadores interconeutaos per aciu de protocolos TCP/IP. Tamién úsase esti nome como sustantivu común pa designar a cualesquier rede de redes que use les mesmes teunoloxíes qu'Internet, independientemente de la so estensión o de que seya pública o privada.

Internet
rede IP, rede d'ordenadores y inventu
rede de telecomunicaciones

Internet nun ye sinónimu del World Wide Web. Ésta ye parte d'aquella, siendo la World Wide Web un de los servicios qu'ofrez la rede Internet. La Web ye un sistema d'información más reciente (1995) qu'emplega la rede Internet como mediu de tresmisión.

Dellos de los servicios disponibles n'Internet, aparte de la Web, son l'accesu remotu a otres máquines (SSH y telnet), transferencies de ficheros (FTP), correu electrónicu (SMTP), boletines electrónicos (news o grupos de noticias), charres en llinia (IRC y chats), mensaxería instantaneo (MSN Messenger, ICQ, YIM, AOL, Jabber/XMPP), etcétera.