Isfahán

Isfahán o Ispahán(en persa: اصفهان Esfahān) ye la capital de la provincia d'Isfahán y la tercer ciudá más grande d'Irán (dempués de Teḥrán y Mashhad).

Isfahán
Alministración
País	Irán
Provincia	Provincia d'Isfahán
Condado (es)	Prefectura de Isfahán (es)
Bajsh (es)	Central District (en)
Tipu d'entidá	ciudá d'Irán
Cabezaleru/a del gobiernu	Ali Qasemzadeh
Nome oficial	اصفهان (fa)
Nome llocal	اصفهان‎ (fa)
Nomatu	Manchester of Persia (en) نصف جهان (fa)
Códigu postal	811
Xeografía
Coordenaes	32°39′09″N 51°40′29″E
Isfahán Isfahán (Irán)
Superficie	493.82 km²
Altitú	1574 m
Demografía
Población	1 961 260 hab. (2016) - 989 168 homes (2016) - 972 092 muyeres (2016)
Porcentaxe	100% de Central District (en)
Densidá	3971,61 hab/km²
Más información
Prefixu telefónicu	031 y 0913
Estaya horaria	UTC+03:30
Llocalidaes hermaniaes	Baalbek, Barcelona, Katmandú, El Cairu, Dakar, Florencia, Friburgu de Brisgovia, L'Habana, Hyderabad, Iași (es) , Estambul, Kuala Lumpur, Ciudá de Kuwait, Lahore, Venecia, Xi'an, Yereván, San Petersburgu y Maracaibo
isfahan.ir

Isfahán ta asitiada nel ampliu valle del ríu Zayandeh Rud, na transición ente los montes Zagros y la meseta iranín, a 1590 metros sobre'l nivel del mar. Tien un clima templáu, con estaciones definíes; la temperatura varia ente los 2°C y 28 °C —con una máxima rexistrada de 42 °C y una mínima histórica de −19 °C— y tien un permediu de 355 mm de precipitaciones per añu.

La plaza de Naghsh-i Jahan, según la Gran Mezquita d'Isfahán, foron declaraos Patrimoniu de la Humanidá pola Unesco honor que tamién tien el palaciu de Chehel Sotún como parte de la tradición del xardín persa. La ciudá tamién tien una estensa variedá de sitios construyíos ente los sieglos XI y XIX, onde puede apreciase l'arquiteutura islámica del Imperiu safávida.

La guapura d'Isfahán inspiró a los músicos de jazz Duke Ellington y el so collaborador Billy Strayhorn a escribir un cantar nel so nome.

Galería

• 
  Hejal de la Sinagoga d'Isfahan, Persia, sieglu XVI.^{[nota 1]}

Ciudaes hermaniaes

• Barcelona
• El Cairu
• Yereván
• Istambul
• Florencia
• Friburgu de Brisgovia
• Iași
• Kuala Lumpur
• Maracaibo
• San Petersburgu

Ver tamién

• Bazar d'Isfahán

Notes

1. Conserváu nel Muséu Xudíu de Nueva York.