Islla Dundee
From Wikipedia, the free encyclopedia
Remove ads
La islla Dundee ye una islla de L'Antártida, asitiada al este del estremu nororiental de la península Antártica y al sur de la islla Joinville nel archipiélagu de Joinville.
La islla ta dafechu cubierta pol xelu y mide 14 milles de llongura d'este a oeste y 11 milles d'anchu, algamando'l so mayor altor los 600 metros. El marín británicu James Clark Ross viola na so espedición antártica (1839-1843), pero ensin reconocer el so calter d'islla.
El 8 de xineru de 1893, foi reconocida como una islla pol capitán Thomas Robertson, d'una espedición ballenera de Dundee, Escocia, d'onde zarpó'l so barcu al pie de otres trés naves.[1]
Remove ads
Base Petrel
N'avientu de 1952 l'Armada Arxentina instaló l'Abellugu Naval Petrel.
Mientres la Campaña Naval Antártica 1966/67 d'Arxentina amplióse la pista aérea esistente convirtiéndola nuna de 850 m de llongura por 40 m d'anchu, xunto con balices, un hangar metálicu, y otres construcciones.
El 23 de febreru de 1967 foi inauguráu'l Destacamentu Aeronaval Petrel o Estación Aeronaval Petrel.
N'agostu de 1971 foi'l puntu de partida del rescate de los mancaos de la base británica Fossil Bluff.[2]
Una quema nel iviernu de 1974 obligó a la so evacuación, reactivándo-yla nel branu siguiente. En febreru de 1978 pasó a ser una base temporal de branu, y na década de 1990 el so nome foi modificáu a Base Petrel.[3]
Remove ads
Reclamaciones territoriales
Arxentina inclúi a la islla nel departamentu Antártida Arxentina dientro de la provincia de Tierra del Fueu, Antártida ya Islles del Atlánticu Sur; para Chile forma parte de la comuña Antártica de la provincia Antártica Chilena dientro de la Rexón de Magallanes y de l'Antártica Chilena; y para el Reinu Uníu integra'l Territoriu Antárticu Británicu. Les trés reclamaciones tán suxetes a les disposiciones del Tratáu Antárticu.
Nomenclatura de los países reclamantes:
Arxentina: isla Dundee
Chile: isla Dundee
Reinu Xuníu: Dundee Island
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads