Javier Abril Espinoza
From Wikipedia, the free encyclopedia
Remove ads
Javier Abril Espinoza (1967, Hondures) ye un escritor y dramaturgu honduranu allugáu en Suiza. Escribe pal diariu El Heraldo y collabora pa varies revistes lliteraries d'América Llatina y d'Europa Central.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Ganó'l Premiu Pablo Neruda (1996) pol so llibru de poesíes De aquí en adelante...(1996- UPNH), y Premiu Internacional de Cuentos Mari Paz Ovidi, convocáu pola Editorial Terra Austral, d'Australia (2005). Un ángel atrapado en el huracán (Editorial Topicornio), ye'l so llibru más conocíu n'idioma español; ye un llibru de cuentos que trata'l tema de los desastres naturales causaos polos furacanes en Centroamérica, y retrata, al traviés de los sos personaxes y situaciones, les desfavorables condiciones humanes nes que vive la xente d'esa rexón, con o ensin tales traxedies naturales, y el consiguiente abandonu de los gobiernos centroamericanos.
En Suiza, Abril Espinoza trabaya, amás de los xéneros de novela y cuentu, el guión cinematográficu y la dramaturxa. Diferentes trabayos lliterarios y ensayos suyos foron traducíos a dalgunos de los idiomes oficiales de la Xunión Europea. Ye miembru de la Sociedá Suiza d'Estudios Hispánicos (SSEH).
Remove ads
Llibros publicaos
- Un Ángel atrapado en el Huracán
- Der Mann des weißen Regenschirmes , (n'alemán, novela)
- Cuentos para Niños y Niñas, (coleición Cuentos Infantiles-Unicef )
- El Doblez de los espejos, (poesía)
- ¿Qué hacemos con el muerto?, (teatru)
Referencies
Wikiwand - on
Seamless Wikipedia browsing. On steroids.
Remove ads