Joaquín Garrigues Walker

Joaquín Garrigues Walker (30 de setiembre de 1933, Madrid – 28 de xunetu de 1980, Madrid) foi un empresariu y políticu español.

Joaquín Garrigues Walker
Diputáu nel Congresu de los Diputaos d'España 15 marzu 1979 - 28 xunu 1980 - José Luis López Fajardo → Distritu: Murcia Eleiciones: eleiciones xenerales d'España de 1979 ministru d'Obres Públiques y Urbanismu 4 xunetu 1977 - 6 abril 1979 ← Luis Ortiz González - Jesús Sancho Rof → Diputáu nel Congresu de los Diputaos d'España 29 xunu 1977 - 2 xineru 1979 Distritu: Madrid Eleiciones: eleiciones xenerales d'España de 1977
Vida
Nacimientu	Madrid, 30 de setiembre de 1933[1]
Nacionalidá	España
Muerte	Madrid, 28 de xunetu de 1980[2] (46 años)
Familia
Padre	Antonio Garrigues Díaz-Cañabate
Hermanos/es	Antonio Garrigues Walker
Familia	ver José María de Areilza (es) (suegru)
Estudios
Estudios	Universidá de Madrid
Llingües falaes	castellanu
Oficiu
Oficiu	abogáu, políticu, empresariu
Llugares de trabayu	Madrid
Premios	ver Gran Cruz de la Orde de Carlos III  (1980) [3]
Creencies
Partíu políticu	Unión de Centru Democráticu

Biografía

Miembro d'una saga familiar de destacaos personaxes de la vida pública española como'l so padre Antonio Garrigues Díaz-Cañabate o'l so hermanu Antonio, empecipió la so hestoria llaboral como abogáu, anque darréu enfusóse nel mundu empresarial, siendo presidente de Lliga Financiera, una empresa dedicada a la construcción d'autopistes.

Estudió'l bachilleratu nel colexu del Pilar.^[4]

En 1976, con 43 años, fundó Grupu Llibra, una sociedá d'estudios que s'encargó d'editar los Cuadiernos Llibra, que llevaben impresos pensamientos políticos de calter lliberal. Foi presidente de la Federación de Partíos Demócrates y Lliberales (FPDL),^[5] qu'acabaría integrándose n'Unión de Centru Democráticu (UCD).

Joaquín Garrigues, na so vida política, foi escoyíu diputáu por Madrid nes eleiciones del 15 de xunu de 1977 y darréu por Murcia nes eleiciones de 1979.

Foi ministru d'Obres Públiques y Urbanismu del segundu gobiernu d'Adolfo Suárez (xunetu de 1977-abril de 1979) y Ministru Axuntu a la Presidencia (abril de 1979-abril de 1980).

Na so vida privada, tuvo casáu cola fía de José María de Areilza, Mercedes de Areilza, cola que tuvo cinco fíos: Cristina, Joaquín, Beatriz, Pablo y Mauricio. Mientres el so últimu añu de vida, Joaquín Garrigues tuvo que lluchar contra la leucemia.

Enfermu de leucemia, finó víctima d'un paru cardiaco na clínica de la Concepción de Madrid el 28 de xunetu de 1980.^[6]

Obres

• Joaquín Garrigues Walker (1976). Qué ye'l lliberalismu. Barcelona: La Gaya Ciencia.
• Joaquín Garrigues Walker (1978). Un añu antes, un añu dempués. Madrid: Unión Editorial.
• Joaquín Garrigues Walker (1976). Apuntes sobre l'estáu y la sociedá democrática. Madrid: Unión Editorial.
• Joaquín Garrigues Walker (1976). Una política pa España. Madrid: Unión Editorial.

Distinciones

• Gran Cruz de la Real y Bien Distinguida Orde de Carlos III (1980)^[7]