Julia Rodríguez-Maribona

Julia Rodríguez-Maribona(12 de payares de 1923, Avilés – 16 de marzu de 2005, Neuchâtel) foi una enfermera asturiana considerada la inventora de la fregona xunto cola so madre Julia Montoussé Frages^[1][2].

Julia Rodríguez-Maribona
Vida
Nacimientu	Avilés, 12 de payares de 1923
Muerte	Neuchâtel, 16 de marzu de 2005 (81 años)
Oficiu
Oficiu	inventora, enfermera

Trayeutoria

Rodríguez nació n'Avilés en 1923 frutu del matrimoniu ente Julia Montoussé y l'industrial José Maribona. Na década de los ochenta, emigró a Suiza onde conoció al so segundu home, Albert, y exerció como enfermera. Morrió de leucemia na ciudá suiza de Neuchatel el 16 de marzu de 2005.^[3]

Rodríguez y la so madre diseñaron un dispositivu de llimpieza que combinaba cubu, palu y trapu, que darréu foi conocíu como fregona. Por esti inventu, llograron en 1953 el modelu d'utilidá (un tipu de derechu que se concede a una invención y que torga a terceros utilizar comercialmente la invención protexida, ensin la so autorización) nᵘ 34.262, col títulu "Dispositivu acoplable a toa clase de recipientes tal como baldes, cubos, calderos y similares, pa facilitar el fregáu, llaváu y ensugáu de pisos, suelos, pasiellos, zócalos y locales polo xeneral".^[1][4]

El diseñu foi adquiríu pola fábrica d'artículos d'usu domésticu Manufactures Rodex, del inxenieru Manuel Jalón, al que sí se -y dio la reconocencia del inventu pola patente d'invención nᵘ 298.240 en 1964, once años dempués.^[5] Rodríguez y Montoussé siguen ensin ser reconocíes como inventores de la fregona por cuenta de esa diferencia xurídica ente modelu d'utilidá y patente d'invención.^[6]