Lleón XIV
267ᵘ papa de la Ilesia católica From Wikipedia, the free encyclopedia
Remove ads
Lleón XIV (en llatín: Leo XIV; 14 de setiembre de 1955, Chicago), que nació como Robert Francis Prevost, ye'l papa númberu 267 de la Ilesia Católica. Resultó elixíu'l 8 de mayu de 2025, depués de la muerte de Franciscu, polos cardenales que votaron nel cónclave. Ye'l primer pontífiz nacíu nos Estaos Xuníos y el segundu papa americanu. Ye'l xefe d'estáu y novenu soberanu de la Ciudá del Vaticanu.
_(2).jpg)
.svg){kind=link}
.svg){kind=link}
Remove ads
Biografía
Naz en Chicago (Illinois) nos Estaos Xuníos d'América y ye tamién ciudadanu peruanu.[9][10][11][12] Prevost pasó ellí la primer parte de la so carrera trabayando colos agustinos. Sirvió en Perú de 1985 a 1986 y de 1988 a 1998 como párrocu, diocesanu, profesor de seminariu y alministrador. Foi presidente de la Pontificia Comisión p'América Llatina dende 2023. Ocupó'l cargu d'obispu de Chiclayo, en Perú, de 2015 a 2023, y xeneral de la Orde de San Agustín de 2001 a 2013. En 2023, el papa Franciscu nombó a Prevost Prefectu del Dicasteriu pa los Obispos, un papel prominente que lu posicionó como un perfil "papable".[10][13][14]
El 8 de mayu de 2025, foi elexíu Papa, tomando'l nome papal de Lleón XIV.
Remove ads
Papáu
Eleición
Enantes del cónclave papal de 2025, Prevost yera teníu por un candidatu non favoritu frente a otros papables más conocíos,[15][16] magar se-y vía como un aliáu del papa Francisco y un posible candidatu de consensu.[15][17] La so nacionalidá estauxunidense considerábase un trabe potencial pa la so candidatura, reflexu del desaxuste que causaba el medrar el poder xeopolíticu d'Estaos Xuníos.[18] Los sos siguidores defendíen que representaba un "dignu términu mediu"[19]. Foi nomáu por Francisco prefectu del Dicasteriu pa los Obispos y presidente de la Comisión Pontificia pa América Llatina en 2023, el mesmu añu en que lu fixeron cardenal. Estes llabores alzaron el so perfil como posible papa de cara al cónclave.[20][21][22]
.jpg)
Prevost foi escoyíu papa'l 8 de mayu de 2025, nel segundu día del cónclave, na cuarta votación. A les 18:07 CEST (UTC+2), xubió fumata blanca de la Capiella Sixtina, indicando al públicu que yá había un nuevu papa.[23] Dempués d'aceptar la so eleición y escoyer el so nome papal, Lleón abrazó a los cardenales al salir de la capiella. El cardenal Dominique Mamberti, como protodiáconu, fixo l'anunciu tradicional en llatín, habemus papam, dende'l balcón central de la Basílica de San Pedru, anunciando al públicu'l nome del nuevu pontífiz, Lleón XIV.[24][25]
A diferencia de la primera apaición en 2013 del so antecesor, Franciscu, Lleón apaeció coles vestidures papales tradicionales: l'estola bordada y la mozzetta.[26][27][28] Depués dio'l so primer discursu n'italianu y castellán, onde agradeció'l llegáu de Franciscu ya impartió la so primer bendición Urbi et Orbi en llatín.[27] Por primer vegada, dos de les tres sotanes blanques que Lleón podía escoyer pa la so talla yeren reciclades del cónclave de 2013, parte como xestu simbólicu en llinia cola encíclica Laudato si', sobre'l cambéu climáticu.[29]
El Vaticanu describió a Lleón como'l primer papa de la Orde de San Agustín y el segundu d'América (dempués de Franciscu),[30][31] con doble nacionalidá: peruana y estauxunidense.[32][33][34] Los medios refiérense a elli como'l primer papa americanu,[35] nel sen de ser el primeru nacíu n'Estaos Xuníos.[36] Ye'l segundu papa col inglés como llingua materna, tres Adrianu IV.[37] Tamién ye'l primeru nacíu dempués de la Segunda Guerra Mundial, y el papa númberu 267.[38] Magar ye'l primeru de la Orde de San Agustín,[39][40] seis papes anteriores formaron parte d'otres families agustinianes.[41]
Reacciones
El presidente d'Estaos Xuníos, Donald Trump, felicitó a Lleón XIV por ser el primeru d'esi país.[42] L'arzobispu de Chicago, Blase Cupich, dixo que-y agradeciera delles veces a Prevost por aceptar la eleición.[43] Perú tamién celebró la eleición del primer papa con nacionalidá peruana;[44][45] la noticia foi recibida con xúbilu na diócesis de Chiclayo,[46][47] especialmente ente'l cleru,[48] y l'archidiócesis de Lima fizo sonar les campanes de la catedral metropolitana.[49] La presidenta de Perú, Dina Boluarte,[50] y miembros del Congresu peruanu tamién lo felicitaron.[51][52]
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads