Llinguaxe de programación declarativu

Un llinguaxe de programación declarativu ye un llinguaxe de programación nel que, a diferencia de lo que aporta n'otros llinguaxes de programación, como los llinguaxes imperativos, nun se diz pasu por pasu lo que l'ordenador tien que facer (como nun algoritmu), sinón que sólo se diz como ye'l problema o qué se ta buscando, y l'ordenador fai'l restu'l trabayu. Pue dicise que nun llinguaxe declarativu dizse-y al ordenador qué tien que facer, pero non cómo tien que algamar la solución.

De cutio, un llinguaxe declarativu va arreyáu a un motor: otru programa que, interpretando el programa escritu en llinguaxe declarativu, ye'l qu'en realidá fai'l trabayu (y ye'l que s'ocupa del cómo).

Dalgunos exemplos de llinguaxes declarativos son el SQL, les espresiones regulares, Prolog o Haskell.