Llugares de Pokémon

L'universu ficticiu de Pokémon ta compuestu de varios llugares, dalgunos d'ellos formen parte del canon de los videoxuegos, l'anime, manga y otros que son llugares inciertos como'l Mundu Mystery Dungeon.

La xeografía del mundu Pokémon ta comprendida por varies enormes estensiones de tierra les cuales son llamaes caúna “rexón”, y dientro de caúna d'elles hai varies ciudaes, pueblos, viesques y otros llugares amás de distintos factores tales como'l clima y costumes pero caúna d'elles de funcionamiento similar ente toles rexones. Les rexones más importantes del mundu Pokémon son Kanto, Johto, Hoenn, Sinnoh, Unova y Kalos, anque tamién esisten otros llugares d'igual relevancia, estos na so mayoría namái son archipiélagos ya islles de mayor estensión.

Rexones

Kanto

Artículu principal: Kanto

Kanto (カントー地方, Kantō-chihō^?) ye la primera rexón del mundu pokémon y diose a conocer per primer vegada nos videoxuegos Pokémon Red Version y Pokémon Green Version, que fixeron el so debut en Xapón en 1996. Posteriormente la rexón apaeció n'otros videoxuegos de la franquicia y ye ún de los llugares percorríos por Ash Ketchum nel anime.

Ciudaes y pueblos

• Pallet Town (マサラタウン, Masara Taun^?, llit. Pueblu Masara): Ye un pueblu onde normalmente empecípiase la hestoria de los videoxuegos de la primer xeneración y los sos remakes correspondientes. Nesti pueblu alcuéntrase'l llaboratoriu del Profesor Oak, llugar onde'l aspirante a entrenador Pokémon recibe el so pokémon inicial.

• Viridian City (トキワシティ, Tokiwa Shiti^?, llit. Ciudá Tokiwa): Unu de los primeros llugares en ser recorríu polos entrenadores debíu a que'l camín de Pallet Town conduz de sur a norte. Nesta ciudá alcuéntrase'l Ximnasiu de Viridian City, el cualo ta lideráu por Giovanni, xefe del Team Rocket.

• Pewter City (ニビシティ, Nibi Shiti^?, llit. Ciudá Nibi): Alcuéntrase ente Viridian Forest y el Mt. Moon. Una de les principales atraiciones d'esta ciudá ye'l Muséu de la Ciencia de Pewter City. Nesta ciudá alcuéntrase'l Ximnasiu de Pewter City, el cualo ta dirixíu por Brock.

• Cerulean City (ハナダシティ, Hanada Shiti^?, llit. Ciudá Hanada): Esta ciudá llinda al sur con una ruta a Saffron City y al oeste col Mt. Moon. Nesta ciudá alcuéntrase'l Ximnasiu de Cerulean City, el cualo ta empobináu por Misty.

• Vermilion City (クチバシティ, Kuchiba Shiti^?, llit. Ciudá Kuchiba): Esta ciudá ta asitiada al sur de Kanto. Nesta ciudá alcuéntrase el Ximnasiu de Vermilion City, empobináu por Surge.

• Lavender Town (シオンタウン, Shion Taun^?, llit. Pueblu Shion): Nesti pueblu alcuéntrase Pokémon Tower, llugar consideráu como un campusantu pa los Pokémon difuntos.

• Celadon City (タマムシシティ, Tamamushi Shiti^?, llit. Ciudá Tamamushi): Asitiáu xustu al centru de Kanto. Una de les ciudaes más grandes de la rexón y una de les sos atraiciones principales ye un centru comercial. Nesta ciudá alcuéntrase el Ximnasiu de Celadon City, el cualo ta empobináu por Erika

• Fucshia City (セキチクシティ, Sekichiku Shiti^?, Ciudá Sekichiku): Asitiada al suroeste de Kanto. Nesta ciudá alcuéntrase la Safari Zone y el Ximnasiu de Fucshia City, el cualo foi empobináu previamente por Koga y depués por la so fía Janine.

• Saffron City (ヤマブキシティ, Yamabuki Shiti^?, llit. Ciudá Yamabuki): Nesta ciudá atopáse'l Ximnasiu de Saffron City, empobináu pola líder de ximnasiu Sabrina y la compañía Silph S.A., desendolcadora de la Pokeball Master Ball.

• Cinnabar Island (グレンじま, Guren-jima o Guren Taun^?, llit. Islla Guren): Nesta islla alcuéntrase'l Ximnasiu de Cinnabar Island, el cualo ye empobináu por Blaine.