Movimientu Revolucionariu Túpac Amaru
From Wikipedia, the free encyclopedia
Remove ads
El Movimientu Revolucionariu Túpac Amaru (MRTA) ye una organización armada peruana, fundada en 1984 ya inspirada nes guerrilles izquierdistes d'otros países de la rexón, anguaño'l movimientu ta cuasi desarticuláu.
En conxuntu (planeao o non) con otres agrupaciones revolucionaries de la mesma dómina como Sendero Luminoso, algamó al traviés d'asesinatos y aiciones armaes con coches-bomba abonda relevancia nes urbes. De la mesma funcionaron guerrilles dl MRTA nes rexones de la selva alta peruana. El MRTA foi lideráu por Victor Polay Campos y tres la so captura y encarcelamientu d'esti en xunetu de 1992, por Néstor Cerpa Cartolini hasta la so muerte n'abril de 1997 nel asaltu a la residencia del embaxador de Xapón.
A diferencia del movimientu senderista, los militantes del MRTA vistíen uniforme pa nun ser tracamundiaos cola población civil.
N'Avientu de 1996 un grupu tomó la residencia del embaxador xaponés en Lima, capturando a 600 rehenes pertenecientes a los seutores más encumbraos de la vida política y económica peruana, no que foi la última gran aición armada na historia de Perú. El fecho tuvo como desenllaz l'asaltu de la embaxada por fuercies especiales del exércitu, na Operación Chavín d'Huántar. Demientres l'asaltu morrieron los 14 miembros del MRTA, 1 rehén y 2 comandos nel operativu militar fechu pa lliberar a los 72 rehenes que taben dientro, siendo presidente de Perú daquella Alberto Fujimori. Depués d'esta incursión empicipiará la desarticulación cuasi dafecha del movimientu revolucionariu. Dende entós y hasta anguaño les sos actividaes son mínimes.
Remove ads
Ver tamién
- Comisión de la Verdá y Reconciliación
Referencies
Enllaces esternos
Wikiwand - on
Seamless Wikipedia browsing. On steroids.
Remove ads