Malam Bacai Sanhá

Malam Bacai Sanhá (5 de mayu de 1947, Empada ^(en)  – 9 de xineru de 2012, V Distritu de París)^[4] foi un políticu y presidente de Guinea-Bisáu, escoyíu'l 28 de xunu del 2009,^[5] asumió'l 8 de setiembre del mesmu añu.^[6] Enantes actuó como presidente interín del so país, ente'l 14 de mayu de 1999 y el 17 de febreru de 2000.

Malam Bacai Sanhá
Presidente de Guinea-Bisáu 8 setiembre 2009 - 9 xineru 2012 ← Raimundo Pereira - Raimundo Pereira → Presidente de Guinea-Bisáu 14 mayu 1999 - 17 febreru 2000 ← Ansumane Mané - Kumba Ialá → Member of the National People's Assembly of Guinea-Bissau (en)
Vida
Nacimientu	Empada (en) [1], 5 de mayu de 1947[2]
Nacionalidá	Guinea-Bisáu
Muerte	V Distritu de París[1], 9 de xineru de 2012[3] (64 años)
Sepultura	Fortaleza São José de Amura (es)
Causa de la muerte	Diabetes
Estudios
Llingües falaes	portugués
Oficiu
Oficiu	políticu
Premios	ver Medaya Amílcar Cabral
Creencies
Relixón	islam
Partíu políticu	Partido Africano para la Independencia de Guinea y Cabo Verde (es)

Antiguu miembru del Partíu Africanu pa la Independencia de Guinea y Cabu Verde (PAIGC), Sanhá actuó como gobernador de les rexones de Gabú y Bafatá y ocupó dellos cargos ministeriales antes de convertise en presidente de l'Asamblea Nacional del Pueblu en 1994. Una guerra civil españó en xunu de 1998 ente elementos del exércitu que siguíen al xeneral Ansumane Mané y los lleales al presidente João Bernardo Vieira; el 26 de payares de 1998 Sanhá presidió la primer sesión de l'Asamblea Nacional del Pueblu dende l'empiezu de la guerra. Anque foi críticu tanto colos rebeldes como con Vieira, focalizó más les sos crítiques nesti postreru. Depués del derrocamientu de Vieira'l 7 de mayu de 1999, Sanhá foi nomáu presidente interín pola xunta militar presidida por Mané'l 11 de mayu. La so designación p'asoceder a Vieira intentóse faer en respetu a la Constitución, y tenía d'ocupar el cargu hasta les nueves eleiciones que teníen de celebrase con cuenta d'añu. Sanhá tomó posesión del so cargu'l 14 de mayu, prometiendo paz y el fin de les persecuciones polítiques.

Na primer ronda de les eleiciones presidenciales subsiguientes, celebrada'l 28 de payares de 1999, Sanhá terminó segundu con 23,37% de los votos. Na segunda vuelta, realizada'l 16 de xineru de 2000, llogró solamente'l 28,0% de los votos contra'l 72,0% de Kumba Ialá. La xunta militar dirixida por Mané sofitaba la candidatura de Sanhá.

Depués d'un golpe militar qu'en 2003 derrocó a Ialá y de un periodu de gobiernu de transición, celebráronse nueves eleiciones presidenciales el 19 de xunu de 2005, nes que trés expresidentes (Sanhá, Vieira y Ialá) fueron los principales candidatos. Sanhá, de nuevu interviniendo como candidatu del PAIGC, terminó primero con 35,45% de los votos. El ex-xefe d'Estáu João Bernardo Vieira allugóse segundu con 28,87%. A pesar del so trunfu na primer vuelta, Sanhá perdió'l ballotage que tuvo llugar el 24 de xunetu de 2005 frente a Vieira, por 47,65% a 52,35%. Sicasí, refugó aceptar la resultancia, prometiendo llevar el casu a la Suprema Corte.

Sanhá apostó'l lideralgu partidariu al presidente del PAIGC, Carlos Gomes Junior, nel Séptimu Congresu Ordinariu de xunu-xunetu de 2008. Sicasí, Gomes foi reelecto a la fin del Congresu, el 1º y 2 de xunetu, al recibir 578 votos contra 355 en favor de Sanhá.

Fallecimientu

Sanhá foi ingresáu nel Hospital Militar Val-de-Grâce de París a finales del añu 2011. El mandatariu, de 64 años d'edá, entró en coma díes dempués de la so llegada al hospital. Finalmente, el so decesu produció'l día 9 de xineru de 2012, ensin que se precisara entá la causa del mesmu.^[7]