María Jesús Esteban Galarza

María Jesús Esteban Galarza (6 d'abril de 1956, Alonsotegi) ye una matemática vasca que desenvolvió la so carrera en Francia.

María Jesús Esteban Galarza
directora de investigación del CNRS (es)
Vida
Nacimientu	Alonsotegi, 6 d'abril de 1956[1] (69 años)
Nacionalidá	Francia España
Estudios
Estudios	Universidá del País Vascu Universidá Pierre y Marie Curie 1987) doctoráu
Direutor de tesis	Pierre-Louis Lions
Direutora de tesis de	Alexander Quaas Jacques Giacomoni Mohamed Bouguecha
Llingües falaes	castellanu vascu francés italianu inglés portugués
Oficiu
Oficiu	matemática
Llugares de trabayu	París
Emplegadores	Centre National de la Recherche Scientifique
Trabayos destacaos	Espazio topologikoak (en) Neurria eta Integrazioa (en)
Premios	ver Discurso de Apertura del Curso en la Universidad Vasca de Verano (UEU)  (1990) Fellow of the Society for Industrial and Applied Mathematics  (2016) [2] premios CAF-Elhuyar  (2017) Premio Jacques-Louis Lions  (2019) [3] Medalla Blaise Pascal  (2021)
Miembru de	Udako Euskal Unibertsitatea Academia Europaea Academia Europea de Ciencias (es) Jakiunde (es) Sociedad de Matemáticas Aplicadas e Industriales (es) Academia Austriaca de Ciencies Real Sociedá Matemática Española
ceremade.dauphine.fr…

Trayeutoria

Dempués de llicenciase en Matemátiques na Universidá del País Vascu en 1978, realizó la so tesis doctoral en París so la direición de Pierre-Louis Lions, trabayando en distintos problemes sobre derivaes parciales. Defendió la tesis en 1981 na Universidá Pierre y Marie Curie. Una vegada rematada la tesis, empezó a trabayar como investigadora nel CNRS (Centre National de la Recherche Scientifique), trabayu que realizaba dende la Université Paris VI. Coordinó'l proyeutu A Forward Look on Mathematics qu'impulsaron la Sociedá Matemática Europea (European Mathematics Society, EMS) y la Fundación Europea de Ciencies (European Science Foundation).^[4]

Como investigadora, trabayó n'ecuaciones non-lliniales en derivaes parciales y física matemática. Trabayó tamién en problemes de modelos matemáticos aplicaos a la física, la mecánica cuántica y la química.

Anguaño ye direutora del CNRS, yá que exerz nel Centre de Recherche en Mathématiques de la Décision (CEREMADE), del Departamentu de Matemátiques de la Université Paris-Dauphine. Dende 2015 ye direutora del ICIAM (International Council for Industrial and Applied Mathematics) y miembru de Jakiunde.

Premios y reconocimiento

• Socio d'honor de la RSME (Real Sociedá Matemática Española).^[5]
• Presidenta del comité científicu de BCAM (Basque Center for Applied Mathematics).^[6]

• En 2012 foi nomada Chevalière de l´Ordre National du Mérite pol Presidente de la República Francesa.^[5]
• En 2016 la Universidá del País Vascu la invistió Doctora Honoris Causa.^[7]
• En 2017 la Universidá de Valencia la invistió Doctora Honoris Causa.^[8]